सल्लाहकार, अध्यक्ष र पञ्चायतका ओएसडीलाई स्वागत

सिक्किम क्रान्तिकारी मोर्चा समन्वय बैठक तथा नव नियुक्त सल्लाहकार, अध्यक्ष र पञ्चायत राजका O.S.D. का लागि स्वागत र बधाई कार्यक्रम राज्य स्तर पंचायत सेलको आयोजनामा सिङ्ताम नगर पंचायत हलमा सम्पन्न भयो। उक्त कार्यक्रममा सबै जिल्लाका अध्यक्ष र उपाध्यक्षको उपस्थितिसँगै राज्य स्तर पञ्चायत सेलका कार्यकारी सदस्यहरूको पनि उपस्थिति रहेको थियो। व्यस्त तालिका र अपरिहार्य परिस्थितिहरूका कारण औपचारिक रूपमा केही ढिला भएको भए पनि, राज्य स्तर पञ्चायत सेलका सबै सदस्यहरूको तर्फबाट, नव नियुक्त सल्लाहकार, अध्यक्ष र पंचायतका ओएसडीलाई हार्दिक वधाइ र शुभकामना व्यक्त गरियो। जनताको कल्याण र सिक्किम राज्यको विकासमा समर्पित सेवामा ठूलो सफलता र प्रतिवद्धता प्राप्त होस् भन्ने कामना गरियो।