पारिजात संघद्वारा मिरिक झील परिसरमा विश्व पर्यावरण दिवस पालन

मिरिकको नारीहरूको सक्रिय सामाजिक संस्था पारिजात संघले आज मिरिक झील परिसरमा विश्व पर्यावरण दिवस पालन गर्यो। संस्थाका सचिव प्रमिला राईले सञ्चालन गरेको कार्यक्रममा मिरिक महकुमा पुलिस अधिकारी आईपीएस विनोद कुमार मिना प्रमुख रूपमा उपस्थित थिए भने मिरिक थानाका आईसी नयम चक्रवर्ती, पारिजात संघकी सभानेत्री पुनम विश्व लगायत सदस्यहरूको उपस्थिति रहेको थियो। यसरी नै स्मल फुड कार्ड एशोसिएसनका अध्यक्ष ए टी राई अनि सदस्यगण, मिरिक व्यवसाय वेलफेयर सोसाईटीका अध्यक्ष सेवन राई, घर घर लाहुरेका प्रशिक्षक विदान तामाङ, आईलभ मिरिकका अध्यक्ष आशिष तामाङ, अनि दावा तामाङ, कृष्णनगर क्लबमा अध्यक्ष अरबिन सुब्बा, मिरिक रनर इनिसिएटिभका प्रतिनिधिहरू, मिरिक व्यटमिन्टन क्लबका प्रतिनिधिहरू, भुटिया समाज मिरिक, मुस्लिम समाज, जनकल्याण समाज, मैसरी समाज, मखमली समाज, प्रगती समाज, चेली माइती समाज, मिरिक राङभाङ भेल्ली होम स्टे अनर्स एशोसिएसनका प्रतिनिधिहरू साथै वुडल्याण्ड एकाडमी अनि मिरिक एकाडमीका शिक्षक शिक्षिकागण तथा विद्यार्थीहरूको उपस्थिति रहेको थियो। कार्यक्रममा मिरिक महकुमा अधिकारी आईपीएस विनोद कुमार मिनालाई संघको पक्षबाट सम्मान पनि जनाइएको थियो। कार्यक्रमपछि पत्रकारहरूसँग कुराकानी गर्ने क्रममा पातिजात संघकी नेत्री पुनम विश्वले संघले प्रत्येक वर्ष पर्यावरण दिवस पालन गर्दै आइरहेको र यस वर्ष पनि आफूहरूले यो दिवस पालन गरेको बताइन्। उनले मिरिक पर्यटन केन्द्रको मुटु मानिने मिरिक झीललाई संरक्षण गर्ने उद्धेश्यले नै यसको वरिपरि व्यापक सफाई अभियान सञ्चाल गरेको बताइन्। उनले मिरिकलाई स्वच्छ राख्न सबै नागरिकको जिम्मा रहेको बताउदै आज आफूहरूको निमन्त्रणालाई स्वीकार गरेर आउने प्रत्येक संघ संस्था अनि नागरिकहरूप्रति आभार पनि प्रकट गरिन्।