आउटलुक ट्राभलर अवार्ड २०२५ मा सिक्किमी पर्यटन मोडेल

सिक्किमले आउटलुक ट्राभलर अवार्ड २०२५ मा उल्लेखनीय राष्ट्रिय मान्यता प्राप्त गरेको छ, जुन नयाँ दिल्लीको हयात रीजेन्सीमा आयोजित भएको थियो, जहाँ राज्यको दिगो र समुदाय-केन्द्रित पर्यटन पहललाई राष्ट्रका लागि उदाहरणीय मोडेलको रूपमा प्रस्तुत गरिएको थियो। राज्यको उत्कृष्टता अझ मजबुत बनेको छ, जब प्रसिद्ध गोएचा ला–जोंग्री सर्किटको लागि ‘भारतमा उत्कृष्ट ट्रेकिङ सर्किट’ को गोल्ड पुरस्कार जितिएको छ। समारोहमा सिक्किमको प्रतिनिधित्व गर्दै, टी. टी. भुटिया, पर्यटन र नागरिक उड्डयन विभागका मन्त्रीले राज्यको पर्यटन क्षेत्रलाई विविध सुविधाहरू मार्फत सुधार गर्ने प्रयासहरूबारे विस्तृत रूपमा बताए। यसमा सांस्कृतिक सर्किट, आध्यात्मिक तथा युद्धक्षेत्र पर्यटन, साहसिक गतिविधिहरू, र पर्यावरणमैत्री ग्रामीण अनुभवहरू समावेश छन्। उनले राज्य सरकारले सञ्‍चालन सुधार गर्ने प्रतिवद्धतामा थप जोड दिंदै भने, पाक्क्योङ्ग विमानस्थलको पूर्वाधार पूर्ण भएपनि उडान सेवा अझै शुरू भएको छैन। यसबीच, बागडोगरा र ग्याङ्टोक बीच M172 हेलिकोप्टर सेवा आगन्तुकहरूको आवत-जावत सुविधाजनक बनाइरहेको छ।
मन्त्रीले NH-10 मा बारम्बार हुने भू-स्खलनका चुनौतीहरूबारे पनि सम्बोधन गरे अनि सुरक्षित वैकल्पिक मार्गको विकासलाई तीव्र बनाउने सम्बन्धमा केन्द्र सरकारका निकायहरूसँग समन्वित हस्तक्षेपको वकालत गरे। यसक्रममा पर्यटन तथा नागरिक उड्डयन विभाग, सूचना तथा जनसम्पर्क विभाग, र अन्य सम्बन्धित विभागका प्रमुख तथा प्रतिनिधिहरू पनि उक्त समारोहमा उपस्थित थिए। यस प्रसङ्गमा आउटलुक ट्राभलर अवार्डले जिम्मेवार र दिगो पर्यटन अभ्यासमा बलियो जोड दिएको थियो। सिक्किमलाई हरित, समुदाय-केन्द्रित पर्यटनको अगुवा राज्य मध्ये एकको रूपमा मान्यता दिइयो, जसले विकासलाई पारिस्थितिक संरक्षणसँग सन्तुलनमा राख्ने राज्य सरकारको लामो समयदेखि रहेको प्रतिबद्धतालाई बल दिईरहेको छ। सिक्किम सरकारले यस विशिष्टतामा स्वागत गर्दछ, जुन सफा, समुदाय-आधारित र सांस्कृतिक रूपमा जरा गाडेको पर्यटनको दृष्टिकोणमा निरन्तर प्रतिबद्धताको प्रमाण मानिन्छ, यस्तो मोडेलले स्थानीय जीविकोपार्जनलाई बलियो बनाउँछ भने नाजुक हिमालयन वातावरणको सुरक्षा पनि गर्दछ। उक्त अवसरमा “ब्यान्ड द स्टे: सिक्किममा समुदाय पर्यटन वास्तवमा कस्तो देखिन्छ” शीर्षकको समर्पित प्यानल छलफलमा रिनचेनपुङ्ग पर्यटन विकास समिति र सोरेङ पर्यटन विकास संघका प्रतिनिधिहरू सहभागी थिए। यस सत्रले समुदाय-नेतृत्वमा भएका सफल पहलहरूलाई उजागर गर्‍यो