राष्ट्रिय शिक्षा योजनामाथि कार्यशालाको आयोजित

भारतीय शिक्षा मण्डल उत्तर बंगाल प्रान्तले मिरिकको एक मात्रै सीबीएसई स्कूल स्नो ड्रप स्कूल मिरिकमा गुरु सम्मान कार्यक्रमको आयोजना गर्न साथै राष्ट्रिय शिक्षा योजनामाथि कार्यशालाको आयोजना गरिएको थियो। यस अवसरमा मिरिकका सरकारी अनि गैरसरकारी स्कूलका निर्देशकहरू, प्राचार्यहरू लगायत अवकाशप्राप्त प्राचार्यहरूलाई स्मृति चिन्ह प्रदान गरेर सम्मान गरियो। स्नोड्रप स्कूलका निर्देशिका श्रीमती निशा राईको अध्यक्षतामा भएको कार्यक्रममा गुजरात बीएओयुका उपकुलपति प्रा. श्रीमती अमी उपाध्यक्ष मुख्य अतिथि थिइन्। कार्यक्रममा जेएनभी छब्बिसेका प्राचार्य जे. सिङ्ग, प्रा. अमरचन्द्र कर्माकरलगायत मिरिक क्षेत्रका विभिन्न स्कूलका प्रधान अध्यापक, शिक्षक शिक्षिका आदि उपस्थित थिए। कार्यक्रममा राष्ट्रिय शिक्षा योजनामाथि व्यापक छलफल गरिनका साथै वर्तमान शिक्षा प्रणालीबारे व्यापक चर्चा गरियो। स्नोड्रप स्कूलका निर्देशिका श्रीमती निशा राईले सबैको उपस्थितिले कार्यक्रम सफल भएको जानकारी गराउँदै सहभागी सबैप्रति आभार प्रकट गरिन्।