जनताको नरिवल, काम सकेर मात्र फुटछ, यो भनाइ इण्डियन गोर्खा जनशक्ति फ्रण्टको केन्द्रीय संयोजक अजय एडवर्डस हो। तकदाह टिष्टा भ्याली समष्टिको बस्नेत गाउँका गाउँलेहरूले विगत धेरै अघिदेखि आफुहरूको गाउँ जाने बाटोको निर्माण गरिदिने राज्य सरकार,जिल्ला प्रशासन,सम्बंधित विभागीय अधिकारीहरूसंग संगै क्षेत्रीय जीटीए सरकारलाई बारम्बार अर्जी पत्रहरू चढाउदै आइरहेको भएता पनि कुनै प्रकारको सुनवाई नहुँदा गत केही महिना अघि इण्डियन गोर्खा जनशक्ति फ्रण्टको केन्द्रीय संयोजक अजय एडवर्डस समक्ष गुहार लगाउँदा उनले श्रमदानद्वारा बाटोको निर्माण गरिदिने वचन दिए। संयोजक अजय एडवर्डसले बाटो निर्माण गर्ने वचन दिएको केही दिनभित्रमा नै सिमेन्ट आदि जस्ता जरूरी सर-समाग्रीहरू बस्नेत गाउँ पठाई दिए। बस्नेत गाउँको गाउँलेहरू बाटोको निर्माण कार्यमा लागि पर्यो, अहिले बस्नेत गाउँसम्म बाटो पूगेको छ।
बस्नेत गाउँका समाज तथा गाउँलेहरूको उपस्थितिमा आज इण्डियन गोर्खा जनशक्ति फ्रण्टको केन्द्रीय संयोजक अजय एडवर्डसको बाहुलीद्वारा बाटोको विधिवत उद्घाटन गरियो। बस्नेत गाउँका गाउँलेहरूको बाक्लो उपस्थितिमा इण्डियन गोर्खा जनशक्ति फ्रण्टको संयोजक अजय एडवर्डसले नरिवल फुटाउँदै यो बाटोको निर्माण कार्यमा बस्नेत गाउँका दिदी बहिनी, दाजु भाइ सबै खटेर निर्माण कार्य पूरा भएको छ। स्पष्ट भन्ने हो भने यो बाटोको निर्माण कार्य जनताले गरेको हो अनि जनताको नरिवल काम पूरा भएपछि मात्र फुटछ भन्दै तिनले नरिवल फुटाएर नव निर्माण बाटोको उद्घाटन गर्यो।दार्जीलिङ पहाडको सत्ताधारी पार्टीको नेतृत्वहरू तथा जीटीएको चौकीमा बस्नेहरूले पहाडको धेरैवटा गाउँ बस्ती, चिया बगान, शहर बजार आदि क्षेत्रहरूमा बाटो निर्माण गर्ने, सार्वजनिक भवन निर्माण गर्ने,पूल निर्माण गर्ने,भवन निर्माण गर्ने धेरै नरिवलहरू फुटाए।
तर बाटो, पूल, सार्वजनिक भवन केही निर्माण भएन, केवल जनताको आखाँमा धूलो हाल्ने कामहरू मात्र गरेको छ। सत्ताधारी पार्टीको नेतृत्वहरूले निर्माणको लालच देखाउदै फुटाएको नरिवलहरूको कुनै हिसाब छैन।तकदाह टिष्टा भ्याली समष्टिको जनताहरूले इण्डियन गोर्खा जनशक्ति फ्रण्टको संयोजक अजय एडवर्डसलाई भव्य स्वागत जनाउँदै अजय एडवर्डस जिन्दाबाद, आइजीजेएफ जिन्दाबाद आदि जस्ता नाराहरू लगाए। यसैक्रममा आईजीजेएफ तकदाह टिष्टा भ्याली समष्टि अध्यक्ष बेनहर राईले बस्नेत गाउँ जाने बाटो थिएन,यहाँका मानिसहरू बिमार भएको खण्डमा बोकेर सडकमा निकाल्न पर्थ्यो।यस क्षेत्रका मानिसहरूले बाटोको निर्माण गरिदिने राज्य सरकार,जिल्ला प्रशासन,क्षेत्रीय जीटीए सरकारलाई धेरै पटक गुहार लगाउँदै आएको भए तापनि कुनै सुनवाई नगर्दा यहाँका मानिसहरू हतास भई सकेका थिए।
त्यसै बिच इण्डियन गोर्खा जनशक्ति फ्रण्टको केन्द्रीय संयोजक अजय एडवर्डस समक्ष यहाँको अवस्थाहरू बारे अवगत गराउँदा उनले बाटोको निर्माण गरिदिने वचन दिएका थिए अनि बाटोको निर्माण कार्य आज पूरा भएको छ। अजय एडवर्डस कुनै बोर्ड तथा सरकारमा छैन तर पनि उनले आफ्नो गोजीको पैसा लगाएर बस्नेत गाउ जाने बाटोको निर्माण कार्य पुरा गरिदिएका छन्। हामी समस्त बस्नेत गाउँका मानिसहरू धेरै खुशी छौं। अजय एडवर्डसले मात्र दार्जीलिङ पहाड तथा गोर्खाहरूको समस्यालाई समाधान गर्न सक्छ बेनहर राईले बताए।
