क्लब युनाइटेड बोइज क्लबद्वाराओकाइटी चियाबारीमा 16 नोभेम्बरदेखि ओपन फुटबल प्रतियोगिता हुने भएको छ। मिरिकको फुटबल क्यालेन्डरमा प्रतिष्ठित यस प्रतियोगिता गत दुइ वर्षदेखि लगातार रुपमा फुटबलको चरम उत्कृष्टता अनि प्रतिस्पर्धाका निम्ति दर्शकहरुबीच प्रचलित रहेको छ। यस वर्ष अझ व्यापक प्रतिस्पर्धा अनि स्थानीयसहित नेपालका फुटबल टोलीहरुको उपस्थितिले प्रतियोगितालाई अझ महत्वपूर्ण बनाउने छ। यहाँको क्रिकेट ग्राउन्डमा हुने यस फाइभ साइड फुटबल प्रतियोगिताको विजेता दललाई आकर्षक ट्रफीसहित अस्सी हजार नगद प्रदान गरिनेछ भने उपविजेता दललाई ट्रफी सहित चालिस हजार नगद प्रदान गरिने घोषणा गरिएको छ। आयोजक क्लबको तर्फबाट जानकारी गराउने क्रममा प्रवक्ता अर्पण राईले ओकाइटीमा फुटबलको गरिमापूर्ण इतिहास रहेको बताउँदै यस प्रतियोगिताले वर्तमानमा पनि क्षेत्रमा फुटबलप्रतिको चासो बढाउने जानकारी गराए। यसका साथै उनले प्रतियोगिताको आयोजनले स्थानीयहरुलाई खेलप्रति प्रेरित गर्नु रहेको बताए। राईले प्रतियोगितामा भाग लिन चाहने टोलीले क्लबलाई चाँडै सम्पर्क गर्ने पनि बताए। यसका लागि इच्छुक फुटबल टोलीहरूले 9339498573, 9832771507, 9733223395 अनि नेपालका टोलीहरूले 9775723149 9816986710 मा सम्पर्क गर्न सक्ने बताए।
