बुङकुलुङ हनी एण्ड एग्रो प्रोसेसिङ इन्डस्ट्रियल को-अपरेटिभ सोसाइटी लिमिटेडको तत्वावधान तथा एग्रीकल्चर टेक्नोलोजी मेनेजमेन्ट एजेन्सी (आत्मा), मिरिकको सहयोगमा एक दिवसीय मौरी पालन प्रशिक्षण शिविर सफलतापूर्वक सम्पन्न भएको छ।शिविरमा आधुनिक मौरी पालनका विभिन्न प्राविधिक पक्षहरूबारे विशेषज्ञहरूले प्रशिक्षण दिएका थिए। प्रशिक्षकका रूपमा मुकेश तामाङ असिस्टेन्ट डाईरेक्टर अफ एग्रीकल्चर, मिरिक ब्लक, अर्पण लामा डेपुटी डाइरेक्टर अफ एग्रीकल्चर, खरसाङ सव-डिभिजन, अशलिसा खाती ब्लक टेक्नोलोजी मेनेजर, मिरिक, दिपंकर प्रसाद असिस्टेन्ट टेक्नोलोजी मेनेजर, मिरिक, शरण थापा: बी.टी.एम., मिरीक ब्लक थिए।
प्रशिक्षण शिविरको सञ्चालन बुङकुलुङ हनी एण्ड एग्रो प्रोसेसिङ इन्डस्ट्रियल को-अपरेटिभ सोसाइटी लिमिटेडका भाइस चियरमेन एन.बी. लिम्बुले गरेका थिए। कार्यक्रमको शुरुवातमा अर्पण लामाले स्वागत सम्बोधन गर्दै कृषकहरूका लागि मौरी पालनको महत्त्व र यसका आधुनिक प्रविधिबारे प्रकाश पार्नुभएको थियो।शिविरको अन्त्यमा सहभागी प्रशिक्षार्थीहरूलाई प्रोत्साहित गर्न विशेष सामग्रीहरू वितरण गरियो। एग्रिकल्चर टेक्नोलोजी मेनेजमेन्ट एजेन्सी (आत्मा), मिरिक ब्लकद्वारा मौरी काट्दा वा मह निकाल्दा प्रयोग गरिने सुरक्षित टोपी , प्रशिक्षण सफलतापूर्वक पूरा गरेको प्रमाण-पत्र प्रदान गरिएको थियो।यस प्रशिक्षणले स्थानीय कृषकहरूलाई परम्परागत शैलीबाट माथि उठी वैज्ञानिक ढंगमा मौरी पालन गर्न र आर्थिक रूपमा आत्मनिर्भर बन्न ठूलो मद्दत पुग्ने विश्वास सोसाइटीका भाइस चियरमेन एन.बी. लिम्बुले व्यक्त गरेका छन्।
