तीनधारे उच्चत्तर माध्यमिक विद्यालयमा अवकाशप्राप्त अशिक्षणकर्मी सुकचन्द्र लिम्बुलाई एक समारोह बीच बिदाइ गरिएको छ। उक्त बिदाई समारोहको अध्यक्षता विद्यालयकी शिक्षिका प्रभारी रञ्जना प्रधानले गरेकी थिइन् भने प्रमुख अतिथिको रुपमा अवकाशप्राप्त अशिक्षणकर्मी सुकचन्द्र लिम्बु उपस्थित रहेका थिए। शिक्षिका सञ्जुली छेत्रीले स्वागत सम्भाषण राखेको कार्यक्रममा सञ्चालन शिक्षकद्वय देवेन मंगर र सुप्रेम छेत्रीले गरेका थिए। यस बिदाइ कार्यक्रममा शिक्षकद्वय भास्कर थापा र विशालमणि प्रधानले कविता वाचन गरेका थिए। त्यसरी नै स्वयम गजमेर, शिक्षक सुप्रेम छेत्री साथै विद्यार्थीहले सामुहिक गीत प्रस्तुत गरेका थिए। कार्यक्रममा छात्राहरुले नृत्य प्रस्तुत गरेका थिए। यस बिदाइ समारोहमा सुकचन्द्र लिम्बुको जीवनी पठन शिक्षक देवेन मंगरले गरेका थिए। कार्यक्रममा लिम्बुले वक्तव्य राखेका थिए भने सभाध्यक्ष प्रभारी शिक्षिका रञ्जना प्रधानले अध्यक्षीय सम्भाषण राखेकी थिइन्। अवकाशप्राप्त लिम्बुले सन् 1997 मा किरानीको पदमा विद्यालयमा नियुक्ति पाएका थिए भने 28 वर्ष 5 महिना 19 दिन काम गरेर प्रधान किरानीबाट 28 फरवरी 2025 मा अवकाशप्राप्त गरेका थिए।
