असोसिएशन फर रिसर्च अन् नन्प्रफीट अर्गनाइजेसन्स एन्ड वल्युन्टेरी एक्टिविटिज आरनोवाले आफ्नो 26 औं स्थापना दिवस सोमबार पालन गरेको थियो। सिलगढी नगरपालिका वार्ड नम्बर 46 अन्तर्गत चम्पासरी मिलन मोड रोडको जादुभिट्टा अवस्थित एस. इ. मार्ट कम्पाउन्डमा यो कार्यक्रमको आयोजना गरिएको थियोे। आरनोवाका सल्लाहकार डा. जीवन राणाद्वारा अध्यक्षता गरिएको कार्यक्रममा राजधानी दिल्लीका विशिष्ट समाजसेवी र साहित्यकार उत्तम छेत्री प्रमुख अतिथिको रुपमा उपस्थित थिए। विशिष्ट अतिथिहरूमा पुबोङ चियाबारी, दार्जीलिङका कवि मनोज एकलकाँटे, आरनोवाका सल्लाहकार बहुप्रतिभाशाली व्यक्तित्व मुक्ति उपाध्याय बराल, आरनोवाकै अर्का सल्लाहकार श्रीमती सुष्मा गुरूङ मोक्तान अनि मन्थन नाट्य मञ्चकी प्रमुख श्रीमती सरस्वती शेर्पा साहित्यकार तथा अभिनेता प्रदीप खतिवडा उपस्थित थिए।
आरनोवाकी कार्यकारी अध्यक्ष मेनका तामाङद्वारा सञ्चालित कार्यक्रममा संस्थापक र अध्यक्ष रुबेन गुरूङले स्वागत सम्बोधनसङ्गै रजत जयन्तीभरि आयोजन गरिएका आठवटा कार्यक्रमहरूको विवरण दिए। प्रमुख अतिथि उत्तम छेत्रीले आफ्नो सम्बोधनमा, पहाडमा गोर्लाहरू सबै बुद्धिजीवी छन्। यद्यपि विगत चार दशकदेखि जातीय विषयलाई उँभो लैजाने कुरामा मौन रहेको बताए। विशिष्ट अतिथिहरू मनोज एकलकाँटे, सल्लाहकारद्वय मुक्ति उपाध्याय बराल र श्रीमती सुष्मा गुरूङ मोक्तान
र श्रीमती सरस्वती शेर्पाले आरनोवाले गर्दै आएको कार्यहरूको व्याख्या गर्दै उत्तरोत्तर प्रगतिको कामना गरे। आरनोवाका सहसचिव लादोर्जे तामाङद्वारा धन्यवाद ज्ञापन गरिएको कार्यक्रमलाई सफल पार्न उपाध्यक्षद्वय सन्तोषमणि राई-मोहन लुइँटेल, कृष्ण गुरूङलागयत अन्य सदस्यहरूको विशेष योगदान रहेको थियो। उक्त कार्यक्रममा सदस्य सञ्जीव श्रीमलद्वारा आरनोवामाथि कविता प्रस्तुत गरिएको थियो। यसरी नै सङ्गीता राईले पारिजातको “मान्छे मरुभूमि होइन” कविता वाचन गरेकी थिइन्।
सभाध्यक्ष डा. जीवन राणाले आगामी मई महिनामा आरनोवाले राष्ट्रिय सर्जक गोपालसिंह नेपाली बस्नेतको पुण्यतिथि पालन गरिने जानकारी गराए।
यसपछि चर्चित गायक बिक्रम कालिकोटे, उत्तम अधिकारी, मेनका तामाङ, दीपा साइनले गीत प्रस्तुत गरेर कार्यक्रमलाई रोचक बनाएका थिए।।
