विधायक नोमन राईले संयुक्त चालक मञ्चका प्रतिनिधिहरूसँग टाइगर हिल क्षेत्रको स्थलगत निरीक्षण गर्दै चालक समुदायले दैनिक रूपमा सामना गरिरहेका विभिन्न समस्याबारे जानकारी लिएका छन्।निरीक्षणका क्रममा टोकन वितरण प्रणाली, पार्किङ सुविधाको अभाव, शौचालयको अवस्था तथा अन्य आधारभूत पूर्वाधारसँग सम्बन्धित चुनौतीहरूको अवलोकन गरिएको थियो। पर्यटन क्षेत्रको अभिन्न अंगका रूपमा रहेका चालकहरूको सुविधा, सुरक्षा र सम्मान सुनिश्चित गर्न आवश्यक रहेको विधायक राईले बताएका छन्।
चालक समुदायद्वारा उठाइएका जायज माग तथा समस्याहरू सम्बन्धित निकायसमक्ष पुर्याई समाधानका लागि आवश्यक पहल गरिने प्रतिबद्धता पनि उनले व्यक्त गरेका छन्।जनसरोकारका विषयप्रति संवेदनशील रहँदै समस्याको समाधानका लागि निरन्तर सक्रिय रहने उनको भनाइ छ।
