खरसाङ, (निसं): अखिल भारतीय नेवार सङ्गठन खरसाङ आञ्चलिक समिति श्री भिमेश्वर मन्दिर पक्षबाट नेवारी भित्ते क्यालेण्डरको विमोचन आइतवार श्री भिमेश्वर मन्दिर प्रागणमा नेवार सङ्गठनका सदस्यहरूको उपस्थितिमा गरियो। उक्त नेवारी भित्ते क्यालेण्डर सम्पूर्ण नेवार परिवारजनको घरघरमा राखिको हुनुपर्छ कारण नेवार जातिको रीतिरिवाज कायम राख्न, सबैले नेवार जातिको पर्व जान्न सकुन भन्ने उद्देश्यले उक्त नेवारी भित्ते क्यालेण्डरमा समावेश गरिएको जानकारी कार्यक्रममा गराइयो। नेवारी चाड़पर्व हरघरमा पालन गर्न सकुन साथै श्री भिमेश्वर मन्दिरमा पनि समय अनुसार पूजापाठ गरिएको हुन पर्ने, उक्त पूजापाठ पनि प्रत्येक नेवार परिवारजनको सहभागी रहन सकुन भन्ने उद्देश्य लिएर अभानेस खरसाङ आञ्चलिक समिति श्री भिमेश्वर मन्दिर पक्षबाट नेवारी भित्ते क्यालेण्डर विमोचन गर्नुको उद्देश्य रहेको छ। आइतवारकै दिन अभानेस खरसाङ आञ्चलिक समितिका सदस्य रहेका दुइ घरपरिवारको सदस्यको देहान्त भएकाहरूकोमा एक मिनटको मौनधारण गरि उनीहरूको आत्माले वैकुण्ठ बास गरुन भनि श्री भिमेश्वर देव अघि प्रार्थना पनि गरियो भनी सङ्गठनको उपसभापति पुनम प्रधानले जानकारी दिएका छन्।
