नयाँ कमान एफसी नगदराशि फुटबल फाइनल पुग्ने पहिलो टिम

नयाँ कमान एफसी घैयाबारीमा भईरहेको नगदराशि फुटबल टुर्नामेन्टको फाइनलमा पुग्ने पहिलो टिम बनेको छ। घैयाबारी स्पोर्टस् वेलफेयर एसोसिएसनको आयोजनामा घैयाबारीको नेताजी हाई स्कूलको खेल मैदानमा गत 3 जनवरीदेखि भईरहेको नगदराशि फुटबल टुर्नामेन्ट अन्तर्गत आज पहिलो सेमी फाइनल म्याच सम्पन्न भएको छ। उक्त म्याच नयाँ कमान एफसी र चाँद एफसीमाझ सम्पन्न भएको छ। यस पहिलो सेमी फाइनल म्याचको पहिलो हाफको शुरुमा नै नयाँ कमान एफसीको तर्फबाट जर्सी नम्बर 6 बीरेन प्रधानले गोल गरेर बढत बनाएका थिए। त्यसको लगत्तै फेरि पनि नयाँ कमान एफसीको तर्फबाट जर्सी नम्बर 6 बीरेन प्रधानले नै थप गोल गरेर म्याच 2-0 को बढत बनाएका थिए। पहिलो हाफको खेल 2-0 को अन्तरमा समाप्त भएको थियो। दोस्रो हाफको म्याचमा दुवै टिमले गोल गर्ने निरन्तर प्रयास गरे पनि गोल हुन सकेन अनि निर्धारित समयमा नयाँ कमान एफसीले 2-0 को अन्तरले म्याच जितेर घैयाबारीमा भईरहेको नगदराशि फुटबल टुर्नामेन्टको फाइनलमा पुग्ने पहिलो टिम बनेको छ। यस म्याचमा नयाँ कमान एफसीको जर्सी नम्बर 6 बीरेन प्रधानलाई म्यान अफ् द म्याच घोषित गरिएको छ। अब भोलि शनिवार दोस्रो सेमी फाइनल म्याच मिक्स अप बोइज खरसाङ र रोयल एफसीमाझ सम्पन्न हुने भएको छ। आजको खेल विषयमा पत्रकारहरूसँग कुराकानी गर्दै घैयाबारी स्पोर्टस् वेलफेयर एसोसिएसनको सचिव शंकु खवासले विस्तृत रुपमा जानकारी गराएका छन्।