कैजले,30 जुन(निसं): शुक्रवार एक औपचारिक कार्यक्रमको साथमा दार्जिलिंग पूलबजार खण्ड अधिनस्त कैजले ग्राम पञ्चायत कार्यालयको तल्लो तलामा रहेको तीनवटा कोठाहरुलाई मर्मती गरी पुनः उपयोग योग्य बनाएर विधिवत् रूपमा उद्घाटन गरियो। कार्यक्रममा जीटीए कृषि विभागीय सभासद सतिश पोख्रेल, दार्जीलिङ-पुलबजार खण्ड पञ्चायत समिति भाइस चियरमेन पेम्बा मोक्तान ग्राम पञ्चायत प्रधान प्रमिला लामा, पञ्चायत समिति सदस्य जेबी मगर, ग्राम पञ्चायतको सम्पुर्ण प्रशासनीक अधिकारीगण वार्ड सदस्यहरु लगायत सर्वसाधारणको बिशेश रूपमा उपस्तिथ थियो। वैदिक मन्त्रो उच्चारणको साथमा ग्राम पञ्चायत प्रधान प्रमिला लामाको बाहुलीबाट रिबन काटेपछि भवनको विधिवत रूपमा उद्घाटन गरियो। लगभग 17 लाख 37 हजार रुपियाँको निर्माण खर्चमा निर्माण गरिएको उक्त भवनले ग्राम पञ्चायत प्रशासनिक कार्यालय अपुरो कोठाहरु पूरा गरिने बताइएको छ। यसका साथै नवनिर्मित कोठाहरुले ग्राम पञ्चायतको शोभा बढेको तथा हालसम्मको असुविधाहरुलाई पुरा गरिएको ग्राम पञ्चायत सदस्य रुपकचन्द्र तामाङले बताए भने पुरानो मुर्खे प्रवृत्ति नेतृत्वहरुको कारण पहाडले हालसम्म दुख पाइरहेको तथा भत्काउने र डढाउने सस्कारले पहाडलाई कहिले भलो नहुने उनले बताए। रहोस गत 2027 सालको गोर्खाल्याण्ड आन्दोलनको क्रममा उक्त कार्यलयमा आगजनी भएपछि नष्ट भएको थियो भने माथिल्लो तलालाई पुनः निर्माण गरि प्रयोग ल्याउन शुरु गरिएको भए पनि तल्लो तला हालसम्म खण्डर सरह रहेको थियो।
