नवज्योति पूर्व सैनिक समाजद्वारा ७९औं स्वतन्त्रता दिवस

नवज्योति पूर्व सैनिक समाज मगरजोङ माथिल्लो विभागले ७९औं स्वतन्त्रता दिवस भव्य र सम्मानपूर्वक मनाएको थियो। कार्यक्रमको थालनी क्षेत्रबाट शहिद बनेका भक्ति प्रधानको शहिद वेदीमा राष्ट्रिय गान गायनसँगै श्रद्धाञ्जली अर्पण गरेर गरिएको थियो। त्यसपछि मगरजोङ कोठी गाउँस्थित नवज्योति पूर्व सैनिक समाज भवनमा झण्डा उत्थापन गर्दै औपचारिक कार्यक्रम आरम्भ गरिएको थियो। कार्यक्रममा माथिल्लो भेगका सम्पूर्ण भूतपूर्व सैनिकहरूको उपस्थिति रहेको थियो। सो अवसरमा संगठनका अध्यक्ष जे.बी. खवासले स्वतन्त्रताको महत्व र शहिदहरूले दिएको बलिदानको स्मरण गर्दै ऐक्यवद्धता र देशप्रेमको भावनालाई सुदृढ गर्न सबैलाई आह्वान गरेका थिए।