खरसाङ, (निसं)ः खरसाङ्को मोटर स्ट्याण्ड नजिक राष्ट्रिय राजमार्ग 110 मा बङ्गलादेशको राष्ट्रिय झण्डा ओछ्याइयो। सड़कमा ओछ्याइएको यो झण्डाको बारेमा मानिसहरूले विभिन्न प्रतिक्रिया गरिरहेका थिए। कतिपय मानिसहरूले त्यहाँ लगाइएको बङ्गलादेशको झण्डालाई अर्को कुनै जिनिस ठानेर अदेखा गरिरहेका थिए भने कतिपयले झण्डा देखेर आश्चर्च प्रकट गरिरहेका थिए। सड़कमा ओछ्याइएको झण्डा देखेर कतिपय गाड़ी चालकहरूले गाड़ी रोकेर राम्ररी हेरिरहेको अथवा उक्त झण्डालाई गाड़ीले कुल्चिएर पार गर्नलाई हिचकिचाएको पनि देखियो। बङ्लादेखमा हिन्दुहरूमाथि भएको अत्यचारको विरोध गर्दै विश्व हिन्दु परिषदले शनिवार खरसाङ्मा एउटा विरोध ऱ्यालीको आयोजना गरेको थियो। उक्त ऱ्यालीपछि विश्व हिन्दु परिषदका सदस्यहरूले बङ्गलादेशको राष्ट्रिय झण्डा यसरी सड़कमा ओछ्याएको हो। दिउँसो सड़कमा ओछ्याइएको बङ्गलादेशो राष्ट्रिय झण्डा साँझसम्म यथावत रहेको थियो।
