एललेनबारीसँग जोड्ने टिस्टा नदीमा नयाँ पुलको टेन्डर सार्वजनिक गरिएको छ। यसका लागि दार्जीलिङका सांसद अनि भारतीय जनता पार्टीका राष्ट्रिय प्रवक्ता राजु विष्टले प्रधानमन्त्री नरेन्द्र मोदी र मार्ग, यातायात तथा राजमार्ग मन्त्री नितिन गडकरीप्रति आभार व्यक्त गरेका छन्। उनले यसलाई नयाँ वर्षको सुन्दर उपहार केन्द्रीय सरकारले हाम्रो क्षेत्र र जनतालाई दिएको बताएका छन्। स्मरण रहोस् ऐतिहासिक कोरोनेशन पुलको विकल्पको निर्माण हाम्रो क्षेत्रका जनताको लामो समयदेखि माग रहँदै आएको अनि छ वर्ष लामो कठोर परिश्रमपछि, अर्को सपना परियोजना वास्तविकतामा आकारिरहेको छ। यसको लागि साँच्चै खुशी लागेको राजु विष्टले बताएका छन्।
उक्त ऐतिहासिक कोरोनेसन पुल वास्तुकलाको एक अद्भुत उदाहरण हो र यसले हाम्रो क्षेत्रका मानिसहरूलाई पुस्तौंदेखि सेवा पुर्याउँदै आएको छ। तथापि, आधुनिक भारतलाई एक आधुनिक पुलको आवश्यकता छ जसले यात्रा समय छोटो पार्ने, कनेक्टिविटी सुधार्ने, र इन्धन खर्च पनि बचत गर्नेछ। परियोजना सहितको लागतमा नागरिक निर्माण, जग्गा अधिग्रहण, वातावरणीय लागत आदि समावेश गरी केन्द्रीय सरकारले कुल रु ११७२.७७ करोड विनियोजन गरेको छ।
यो कोरोनेसन पुलले दार्जीलिङ, कालिम्पोङ, सिक्किम, सिलगडी, डुअर्स क्षेत्र, र उत्तर-पूर्वी राज्यहरूबीचको महत्वपूर्ण सम्पर्कको रूपमा सेवा पुर्याउँछ, र जब नयाँ पुल पूरा हुन्छ, यसले उक्त भूमिका सम्हाल्ने छ र ऐतिहासिक कोरोनेसन पुलमा पर्ने भारलाई उल्लेखनीय रूपमा कम गर्नेछ। सांसद विष्टले हाम्रो क्षेत्रका जनतालाई, सामाजिक संगठनहरू र गैरसरकारी संस्थाहरूलाई प्रशंसा र वधाई दिँदै भनेका छन्, जसले मेरो साथमा यो वैकल्पिक पुल निर्माणतर्फ संघर्ष गर्दै आएका छन्।
विष्टले हाम्रो दार्जीलिङ पहाड, तराई र डुवर्स क्षेत्रका जनताको तर्फबाट, प्रधानमन्त्री नरेन्द्र मोदी र यातायात, राजमार्ग तथा अन्य विभाग मन्त्री नितिन गडकरी तथा सम्पूर्ण NHAI नेतृत्व र टोलीप्रति हार्दिक कृतज्ञता व्यक्त गरेका छन्, जसले हाम्रो क्षेत्रको सडक पूर्वाधारको विकासमा शीर्ष प्राथमिकता दिएका छन्। यससँगै, हाम्रो दार्जिलिङ पहाड, तराई र डुवर्स क्षेत्रका जनतालाई दिएको मेरो अर्को वाचा पूरा गर्न सक्षम भएको छु। सांसद विष्टले जनतालाई आश्वस्त पार्दै जबसम्म हाम्रो जनतालाई दिएका सबै वाचा पूरा हुँदैन, तबसम्म आफू विदा नहुने सांसद राजु विष्टले छन्।
