सांसद राजु विष्टले भेटे अभिनेता स्व. भूषण दाहालको परिवारलाई

सांसद राजु विष्टले सिलगढीका अभिनेता स्व. भूषण दाहालको परिवारलाई भेटेर समवेदना प्रकट गरेका छन्। स्व. भूषण दाहालकी आमाको आमाको निधन भएको ४५ दिन 1 जनवरीमा भएको बताउँदा विष्टले कम समयपछि नै स्वर्गीय जीवनतर्फ प्रस्थान गर्नु अत्यन्त दुखद घटना भएको बताए। भूषण दाहाल एक प्रशंसित सामाजिक कार्यकर्ता थिए, र उनले बीजेपी चम्पासरी मण्डल समितिको पूर्व उपाध्यक्षको रूपमा पनि सेवा दिएका थिए। उनी आफ्नो समर्पण, अनुशासन, र सामाजिक सेवाप्रतिको प्रतिबद्धताका लागि परिचित थिए, र हाम्रो क्षेत्रका जनताको कल्याणको लागि राजनीतिक प्लेटफर्मको उपयोग गर्दै आएको विष्टले बताए। उनले हामी परिवारसँग हाम्रो हार्दिक समवेदना व्यक्त गर्छौं, र यस कठिन समयमा परिवारलाई शक्ति र साहस प्रदान गर्न भगवानसँग प्रार्थना गर्ने बताए।
स्मरण रहोस् 52 वर्षीय भूषण दाहाल स्व. दयानन्द दाहाल र स्व. राधिका (यादव कुमारी) दाहालका माइला छोरा दार्जीलिङको सिहमारी महाकालग्राम क्षेत्रमा जन्मेका थिए भने वर्तमान सिलगढीको मिलनमोड नजीक बाबुवासामा स्थायीरुपमा बसोवास गरिरहेका थिए। केही दिनअघि विरामी परेर सिलगढीको एउटा नर्सिङ्ग होममा भर्ना गरिेएको थियो। तर 1 जनवरीको दिन उनको दुःखद निधन भयो। उनले आफूपछि श्रीमती मञ्जु दाहाल अनि दुइ छोरो छोडी गएका छन्। लेखन, गायन, अभिनय र समाज सेवामा सक्रिय भूषण दाहाल परिवारको विश्वास र भरोसाका बलियो खाँबो थिए। उनले कृष्ण प्रधानद्वारा लिखित र कृष्ण बस्नेतद्वारा निर्देशित नाटक “डङ्कुटी डङ्कुटी डङ्ग डङ्ग”मा महत्वपूर्ण अभिनय गरेका थिए। यसै गरी उनले अभिनय गरेको चलचित्र “मेरो जुत्ता खोइ” विभिन्न ठाउँमा प्रदर्शन भइरहेको छ। तर यो चलचित्र हेर्न नपाई उनले अन्तिम स्वास लिएका थिए। उनको अर्को चलचित्र “वारियर” रिलिज हुन बाँकी रहेको छ। कञ्चनजङ्गा उद्धार केन्द्रसङ्ग संलग्न भूषण दाहालको निधनमा एसोसिएशन फऱ रिसर्च अन् नन्प्रफीट अर्गनाइजेसन्स एन्ड वल्युन्टेरी एक्टिविटिज आरनोवाले श्रद्धाञ्जली अर्पण गर्दै उनका शोकित परिवारजनलाई समवेदना प्रकट गरेको छ।