असमका मुख्यमन्त्री हिमन्त विश्व शर्माप्रति सांसद बिष्टको आभार

दार्जीलिङका सांसद अनि भारतीय जनता पार्टीका राष्ट्रिय प्रवक्ता, राजु बिष्टले असममा मुख्यमन्त्री हिमन्त विश्व शर्माको नेतृत्वमा भाजपा सरकार गठन भएपश्चात असमका गोर्खाहरूको हक-हितको पक्षमा अनेकौँ स्वागतयोग्य निर्णयहरू भएका छन्।
यस क्रममा, असमका विभिन्न गोर्खा संघ-संस्थाहरूले विभिन्न ट्राइबल बेल्ट अनि ब्लकहरूमा बसोबासो गर्दै आएका गोर्खाहरूको भूमि अधिकार सुनिश्चित गर्न अनि गोर्खाहरूलाई सुरक्षित श्रेणीको दर्जा दिन गर्दै आएको मागलाई स्वीकार गर्दै असम सरकारको क्याबिनेटले लखिमपुर जिल्लाको ट्राइबल बेल्टमा पनि गोर्खाहरूलाई सुरक्षित श्रेणीको दर्जा प्रदान गर्ने सम्बन्धी अधिसूचना जारी गरेको छ। जुन अत्यन्तै खुशीको विषय हो र यो असमका गोर्खाहरूको लागि एक ऐतिहासिक उपलब्धी हो।
गोर्खाहरूप्रति मुख्यमन्त्री हिमन्त विश्व शर्माको न्यायपूर्ण अनि सकारात्मक सोचसँगै व्यवहारका लागि असम समेत भारतभरीका गोर्खाहरूको तर्फबाट बिष्टले उनलाई धन्यवाद ज्ञापन गरेका छन्।