मिजोरम गोर्खा युवा सङ्घको केन्द्रीय समितिद्वारा भानु जयन्ती पालन गरियो। सङ्घको केन्द्रीय समितिका प्रमुख अनुप छेत्रीद्वारा अध्यक्षता गरिएको कार्यक्रममा प्रमुख अतिथिका रुपमा व्यवसायी सेना जैसी आसिन थिए। कविलाई श्रद्धाञ्जली चढाइयो।
नेपाली प्राथमिक पाठशाला, खटलाका विद्यार्थीहरूले सामुहिक गीत, नेपाली माध्यमिक पाठशाला, खटलाका विद्यार्थीहरूले सामुहिक नाच, गोर्खा पाठशाला, खटलाका विद्यार्थीहरूले सामुहिक नाच प्रस्तुत गरेका थिए। यसरी नै मिजोरम गोर्खा युवा सङ्घका विभिन्न शाखाहरूद्वारा सामुहिक नाच प्रस्तु गरिएको थियो। जसमा बङ्कोन शाखाकी लिला दाहालद्वारा रामायण पाठ गरिएको थियो। यसरी नै कविता, गीत र नाचहरू प्रस्तुत गरिएको थियो। कार्यक्रममा उदय कुमार, ठुवाम्पुईले भानुको परिचय दिएका थिए। सङ्घका प्रमुखले स्वागत वक्तव्य र उपाध्यक्षले धन्यवाद ज्ञापन गरेका थिए।
