दुधे हुँदै मिरिक-सिलगढीबीच यातायात आजबाट शुरु

मिरिक अनि सिलगढीबीचको मार्ग आजदेखि खोलिने भएको छ। गत चार अक्टोबर राती परेको भिषण बर्षाले बालासन नदीमा बाढी आएको थियो। जसले दुधे अवस्थित पुलमा भएको क्षतिका कारण यातायात ठप्प भएको थियो। लगभग तीन सातापछि आजदेखि सवारी साधनहरुको चलाचल सम्भव हुने बताइएको छ। अस्थायी रुपमा ह्युम पाइपद्वारा निर्मित पुल भएर आजदेखि वाहनहरूको आउजाउ शुरु हुनेछ। पीडब्ल्यूडीले भत्किएको फलामको पुलबाट सय मिटर मुन्तिर बालासन नदीमा ह्युम पाइप लगाएर विकल्प सेतु निर्माण कार्य थालेको थियो।