पोकलोक – कामराङ निर्वाचन क्षेत्रका विधायक तथा यूडीडी मन्त्री भोजराज राईले बिहीबार रंगपो सार्वजनिक मैदानमा दस अगस्ट उन्मुक्ति दिवसलाई पहिलो आमा सम्मान दिवस २०२५ को रूपमा मनाउने सम्बन्धमा निर्वाचन क्षेत्र स्तरीय समन्वय बैठकको अध्यक्षता गरेका थिए।
बैठकमा आमा सशक्तिकरण योजनाका लाभार्थीहरूको छनोट, स्थानीय मुद्दाहरू र निर्वाचन क्षेत्रमा आगामी कार्यक्रमहरूको बारेमा विस्तृत छलफल गरियो। उक्त समन्वय बैठकमा जिल्ला पञ्चायतहरू, विभागीय अधिकारीहरू, सीएलसी पदाधिकारीहरू लगायत स्थानीय जनताको उपस्थिति रहेको थियो।
