घैयाबारी मलाबासे ठेकेदार एशोसोएशनको सभा

मिरिक महकुमाको घैयाबारी मलाबासे ठेकेदार एशोसोएशनको सभा हिजो सम्पन्न भयो। सभामा एशोसोएशनले दुधिया गोकुल लज बालासन पुलदेखि सिङबुली फाटकसम्म आफुहरूको क्षेत्र पर्ने भएकोले यस क्षेत्रमा हुने कुनै पनि कार्य यही ठेकेदार एशोसोएशनको सदस्यहरूले पाउनु पर्ने कुरोमा सभाले निर्णय लिएको छ। यस विषयलाई लिएर आफिहरूले क्षेत्रीय सभासद अनि ग्राम पञ्चायत प्रधानलाई पनि लिखित रूपमा जानकारी गराएको एशोसोएशनका सदस्यहरूले बताएका छन्। यसका साथै हालै टेण्डर भरेको आर के कन्सट्रक्शनलाई पनि यहाँका युवाहरूले काम गर्न पाउनु पर्छ भनेर लिखित पत्रचार गरेको बताउँदै एशोसोएशनको एउटा समूहले चाँडै यस विषयमा गोर्खाल्याण्ड क्षेत्रीय प्रशासनका प्रमुख कार्यपाल अनित थापालाई भेट गर्ने पनि उनीहरूले बताएका छन्।