गोर्खा, आदिवासी, राजवंशी, टोटो र मेचेसंगै काम्तापुरीहरूले धेरै लामो समयदेखि लडदै आइरहेको आफ्नो चिन्हारी, आफ्नो राष्ट्रिय सुरक्षा आफ्नो माटोको युद्ध बीच आगमी बिधान सभा चुनाउमा के कस्तो आफ्नो भूमिका निर्वाह गर्नु पर्छ भन्ने विषयलाई लिएर आज गोर्खा जनमुक्ति मोर्चा केन्द्रीय अध्यक्ष श्रीमान बिमल गुरुङ ज्युको पहलमा एउटा महत्वपूर्ण भेटघाट सभा सिलगढीको सालबारी स्थित प्रज्ञा भवनमा सम्पन्न भयो। सभामा मोर्चाको तर्फबाट अध्यक्षको साथमा महासचिव श्रीमान रोशन गिरी, सांगाठनिक सचिव श्री बिमल प्रधान प्रधान, तराई डुवर्स एकता मञ्चका प्रमुख संयोजक श्री शिव सुनुवार, गोर्खा जनमुक्ति युवा मोर्चा अध्यक्ष श्रीमान नोमन राई, सिलगढी तराई क्षेत्रका सचिव श्रीमान बाबु तामाङको उपस्थिति रहेको थियो।
काम्तापुरी स्टेट डिमाण्ड काउन्सिलका केन्द्रिय अध्यक्षिका तोपती राई मलिक, प्रवक्ता श्रीमान रतन वर्मन, प्रमुख सल्लाहकार श्रीमान मनचलाल सिंह, केन्द्रिय सदस्य श्रीमान सुब्रोत रोयको साथमा अन्य बिभिन्न केन्द्रिय अधिकारीहरूको उपस्थिति रहेको थियो।
आजको सभामा गोर्खा जनमुक्ति मोर्चा अनि काम्तापुरी स्टेट डिमाण्ड काउन्सिलबीच आफ्नो छुट्टै राज्यको मांग लिएर केन्द्र सरकारअघि संवैधानिक युद्ध लडने साथै आउने बिधान सभा चुनाउमा पनि एक भएर लड्ने मसौदाबीच सम्झौता भएको गोजमुमोका महासचिव श्रीमान रोशन गिरीले जानकारी दिएका छन्।
