पूर्व घोषित कार्यक्रम अनुसार श्रीमती मञ्जुला तामाङ सुब्बाद्वारा लिखित अनि बङ्गला भाषामा शुभोमय च्याटर्जीद्वारा रूपान्तरित लघु कथा संग्रह “सम्बन्ध अनि सम्बोधन” कृतिको विधिवत् लोकार्पण समारोह अत्यन्त हर्षउल्लासका साथ सिलगढी नगीच “वास्तु विहार”मा विभिन्न भाषाभाषी भद्र महानुभवहरुको उपस्थितिमा गरियो। धेरै वरिष्ठ साहित्यकार, समाजका बयोबृद्ध मूर्धन्य व्यक्तित्वगणले यो समारोहमा आफ्नु बहुमूल्य उपस्थिति दिए।
नेपाली तथा अन्य भाषामा गीत प्रस्तुति, कविता वाचनद्वारा “वास्तु विहार”का सम्पूर्ण आवासिकगण मूल कार्यक्रमलाई अझै रंगीन, प्राणवन्त बनाएका थिए। अत्यन्त मार्जीत, सुचारु अनि भव्य कार्यक्रमको श्रेय सम्पूर्ण उपस्थित महानुभवगणलाई जान्छ।
इजा प्रकाशनकी कर्णधार अनि वहाँ की श्रीमती कुनै गलती हुने सम्भावनालाई पनि वास्तव रूप लिनु न दिने प्रयासले यस कार्यक्रम अत्यन्त सफल भएको अनुवादक शुभोमय च्याटर्जीले विश्वास व्यक्त गरेका छन्।
सक्रिय समाजसेवी अनि लेखिका सुमित्रा अविरलद्वारा लेखिका श्रीमती मञ्जुला तामाङ सुब्बाको परिचय दिइएको थियो भने मध्य मार्गका सञ्चारकर्मी खेम सापकोटाले सञ्चालित कार्यक्रम भव्य र सभ्यरुपमा सफलतापूर्वक आयोजन गरिएको थियो। इजा प्रकाशनको ब्यानरमा आयोजित कार्यक्रमको विशेष महत्वपूर्ण रहेको थियो। इजा प्रकाशनको स्थापना श्रीमती मञ्जुला तामाङ सुब्बाले आफ्नी एक मात्र छोरी स्व. इजा हाङमा सुब्बाको नाउँमा स्थापित गरेकी हुन्।
