पुल्ङदुङमा मेनवेरिङको जन्म जयन्ती पालन

लेप्चा भाषाका पहिलो शब्दकोष तथा व्याकरण रचियता पूर्व जेनरल जीबी मेनवेरिङको २ सय जन्म जयन्ती सुकेपोखरी खण्डअन्तर्गत प्लुङदुङ वस्तीमा आयोजन गरियो। ईण्डिजिनियस लेप्चा ट्राइबल एसोसिएसन (इल्टा)- अन्तर्गत सुख्याम थुम सेज्युमको तत्वावधानमा विधिवत पूजा अर्चना अनि सांस्कृतिक कार्यक्रमको साथ साङ्गे दोर्जी लेप्चाको सभापतित्वमा स्थानीय मल्टिपर्पोज सार्वजनिक भवनमा पालन गरिएको उक्त जन्मजयन्ती समारोहमा इल्टा अध्यक्ष दोर्जी टी लेप्चा मुख्यरुपले उपस्थित थिए।
ब्रिटिश सेनाका जेनरल जीबी मेनवेरिङलाई पहिलो लेप्चा भाषाका शब्दकोष अनि व्याकरण रचयिताको औपचारिक मान्यता प्रदान गरिएको छ भने उनले तयार पारेको उक्त पुस्तक आजभन्दा १५० वर्षअघि तयार गरी प्रकाशनमा ल्याइएको जानकारी छ।