मगरजोङ तल्लो विभागमा खुल्ला लातेभकुण्डो हुने

सुकेपोखरी खण्ड अन्तर्गत मगरजोङ तल्लो विभाग बहादुर गाउँ स्काइ लार्क युथ क्लबको तत्वावधानमा आगामी ७ सेप्टेम्बर २०२५ देखि मगरजोङ भस्मे प्राथमिक विद्यालय खेल मैदानमा खुल्ला लातेभकुण्डो प्रतियोगिता हुने भएको छ। यो क्षेत्रको एक ऐतिहासिक फुटबल क्लब मानिने स्काइ लार्क युथ क्लबले गोर्खाहरूको महान् पर्व दशैँ र तिहारको उपलक्ष्यमा प्रतियोगिता आयोजना गरेको हो। आयोजक समितिका अनुसार प्रतियोगितामा जुनसुकै स्थानका खेलाडी वा टोलीले भाग लिन सक्ने व्यवस्था गरिएको छ। प्रतियोगितामा विजयी हुने टोलीलाई ट्रफीसहित नगद रु. ५०,००० र उपविजेतालाई ट्रफी सहित नगद रु. ३०,००० प्रदान गरिने घोषणा गरिएको छ। इच्छुक खेलाडी तथा टोलीहरूले आफ्नो नाम दर्ता आगामी ५ सेप्टेम्बर २०२५भित्र गरिसक्नुपर्ने आयोजक समितिले जनाएको छ। विस्तृत जानकारीका लागि 8327639909, 7029388531, 7872398897 अनि 7074009769 मा सम्पर्क गर्न आयोजक समितिको तर्फबाट राजकुमार तामाङले अनुरोध गरेका छन्।