बिजनबारी,18 नोभेम्बर(निसं): दार्जीलिङ-पुलबजार खण्ड अधीनस्थ पुलबजार-बिजनबारी-गोक समष्टिको गोक एक ग्रामको लोवर गोक निवासी केवल थापाको घरमा गए राती भीषण आगलागी भएको खबर प्रकाशमा आएको छ भने उक्त घटनामा पर्दा थापाको घर पुर्णतः जलेर खाक भएको बताईएको छ। जानकारी अनुसार, आगलागी लगभग बिहानको 3 बजीतिर भएको आशंका गरिएको छ। घटनामा कुनै मानवीय क्षति नभएको भए पनि घर पुर्णतः क्षति भएको थाहा लागेको छ। आगलागीको कारण हालसम्म नखुलेको तथा छानबिन शुरु गरिसकेको प्रशासनीक पक्षले जनाएको छ। यसको साथमा स्थानीयबासी तथा सम्बन्धित निकायले आगो नियन्त्रणमा लिन प्रयास गरेपछि आसपासको क्षेत्रमा थप क्षति हुनबाट जोगिएको स्थानीयवासीहरुले भनाइ छ।
यसैबीच घटनाको खबर पाउनसाथ ग्राम पञ्चायत प्रधान एलिना रसाइली तथा क्षेत्रीय सभासद भुपेन्द्र छेत्रीले स्थलगत भ्रमण गरि आवस्थाबारेमा जायजा लिदै पीडित परिवारलाई विभागबाट हुनसक्ने सहयोग गर्ने प्रतिबद्धता जनाएका छन। अर्कोतिर आफुले सम्पुर्ण गुमाएको सकेसम्म चाडै पुनःस्थापनको पहल गरिदिने पीडित परिवारले अनुरोध गरेकोछ।
