मान्छे यसैपनि
बिचार, भावना, बिवेक लिएर श्रृजिएको
सृष्टिमा पनि श्रेष्ठ ठानिएको जाति हो मान्छे।
यहि मान्छेले डाह, ईर्ष्या, रिस अनि
घमण्ड बोकेर पनि जिउँछ,
माया प्रेम बिश्वास र
मानवतावादमा पनि बाँचिरहेका हुन्छ,
म भने, मलाई पनि, म भित्रको दुःख र
सन्तापमा पनि
बाँच्न सिकाउने एउटा मान्छे खोज्दैछु।
मरेर बाँचेको मान्छेको मनासय बुझिदिने
एउटा विशाल हृदय भएको मान्छे खोज्दैछु।
हृदयभरि दुनियाँले दिएको चोटैचोटमा
महलम पट्टि गरिदिने,आइया र
आत्थाको दैनिक पीडालाई
बिर्साइदिने मान्छे खोज्दैछु।
आफन्तको अवहेलना र सन्तापमा
दिन रात लुकिछिपि झरेको आँसु पनि
पुछिदिने मान्छे खोज्दैछु।
म अब कसैलाई बोझ बोकाउन नपरोस्।
मलाई विशाल संसार चाहिएन,
मलाई माया गर्ने थोरै मान्छेसंग
हाँसेर जिउन दिने मान्छे खोज्दैछु।
रमाहट र खुसियालीको उन्मादले मातिएको होइन,
शान्तिपूर्ण भावना र प्रेमिलो भावनाले
सजिएको फगत एउटा मान्छे खोज्दैछु।
एउटा मान्छे मेरो मान्छे,
मेरो अंगालोको तृष्णा बोकेको मान्छे खोज्दैछु।
अब म उसैसित रमाउँछु दुःख परे
उस्कै हात समाउँछु। यसै खुसीमा म हराउँछु।
मैले रोजेको जीवन यसरी नै सजाउँछु,
यसरी नै म आफैमा रमाउँछु,
यस्तै बिचार भावनालाई बुझिदिने
केवल एउटा मान्छे खोज्दैछु, एउटा मान्छे खोज्दैछु।।
