आगमी राज्य विधान सभा चुनाउमा उत्रिएका तृणमूल कंग्रेसका प्रार्थीहरूलाई हिल्स तृणमूल कंग्रेस चेयरम्यान एलबी राईले दिए शुभकामना दिए। अर्कोतिर मिरिकको थर्बु डुप्टिन समष्टि अन्तर्गत बुथ नम्बर 24/137 नाम्सुमा क्षेत्रीय सभासद मिलेश राईको उपस्थितिमा एक सांगठनिक चुनाउ सभा सम्पन्न भयो। सभामा डुप्टिन ग्राम पञ्चायतका उपप्रधान मानव सुब्बा अनि स्थानीय कार्यकर्ताहरूको उपस्थिति रहेको थियो भने सभामा आगामी विधानसभा चुनावलाई लिएर छलफल भएको थियो। सभामा बाेल्दै सभासद मिलेस राईले भने, तृणमूल कंग्रेसद्वारा समर्थित भारतीय गोर्खा प्रजातान्त्रिक मोर्चाले मात्र आफ्ना तीन विधानसभा क्षेत्रका लागि उम्मेद्वारहरू दिएको छ। यसक्रममा खरसाङ विधान सभा आसनबाट यसपालि भारतीय गाेर्खा प्रजातान्त्रिक माेर्चाले अमर लामालाई याेग्य उम्मेदवार बनाएकाे छ। हाम्रो क्षेत्रको विकासको लागि अमर लामालाई धेरै मतले विजय बनाउन सबैले कम्बर कस्ने समय आएकाे छ। पहिला यहाँको विधानसभा क्षेत्र अन्य पार्टीको हातमा थियो। तर अब हामीले नै हाम्रा उम्मेद्वारलाई विजयी गराएर गोर्खाल्यान्ड क्षेत्रीय प्रशासनका प्रमुख कार्यपाल अनित थापाको हात बलियो पार्न उनले आह्वान गरे। सभामा डुप्टिन ग्राम पञ्चायतका उपप्रधान मानव सुब्बा अनि स्थानीय कार्यकर्ताहरूले खरसाङ विधान सभा आसनबाट यसपालि भारतीय गाेर्खा प्रजातान्त्रिक माेर्चाले अमर लामालाई विजयी गराउने बताए। दार्जीलिङ विधानसभा क्षेत्रमा पनि अन्य पार्टीका विधायक थिए। यसपटक भारतीय गोर्खा प्रजातान्त्रिक मोर्चाले दिएको उम्मेद्वारालाई जिताए पहाडको तीनै विधानसभा क्षेत्रमा पार्टीका तीन विधायक अनि गोर्खाल्यान्ड क्षेत्रीय प्रशासनका प्रमुख कार्यपाल अनित थापालाई क्षेत्रको विकास गर्न सजिलो हुने बताए।
