पङ्खाबारी, (निसं): खरसाङ खण्डको रोहिणी अप्पर चिसोपानीदेखि घैयाबारीसम्म जाने सड़क निर्माणको शिलान्यास बुधवार जीटीए प्रमुख कार्यपाल अनित थापाको बाहुलीबाट सम्पन्न गरियो। रोहिणी अप्पर चिसोपानीमा सम्पन्न यस कार्यक्रममा प्रमुख कार्यपाल अनित थापाले मुख्य अतिथिको आसनबाट बोल्दै रोहिणीको यस बाटो साथै रोहिणी झिल जाने बाटोको निर्माण चुनाउअघि गरिदिने वचन दिएको जनाउँदै रोहिणी रत्नड्याङदेखि झीलसम्म जाने बाटो प्रायः पूर्ण हुनलागेको र यस बाटो पनि शीघ्र पूर्ण गरिने जानकारी गराए। तिनले रोहिणीमा धेरै विकास भइसकेको अवगत गराउँदै यी बाटोको निर्माणले समस्त रोहिणीवासी लगायत घैयाबारीका जनतालाई पनि सुविधा हुने बताए औ यसपल्टको चुनाउमा यहाँबाट राम्रो मत परिणाम ल्याउनु पर्ने आव्हान गरे।
सभामा केन्द्रीय महासचिव एवं भागोप्रमो खरसाङ विधानसभा प्रार्थी अमर लामाले पनि सम्बोधन गरेका थिए। तिनले यस बाटोले अब जनसाधारणको समस्या समाधान भएको जनाए। लामाले आहिले एसआईआरमा नाम डिलीट भएकाहरूका निम्ति सर्वोच्च अदालतको आदेश अनुसार रिटायर जर्जहरूको एक प्यानल बनिएर समस्याको निवारण हुने र एडजुडिकेशन आउनेहरूको पनि सप्लिमेन्ट्री लिष्टमा समाधान हुँदैजाने बताए। क्षेत्रीय कार्यकारी सभासद कल्पना प्रधानले म वीगतको लोकसभा चुनाउको प्रदर्शनले हामीलाई निराश बनाएको थियो तर यसपल्ट हामीलाई हाम्रो काम हेरेर यहाँका जनताले आवश्य साथ दिनेछन् भनी आशा व्यक्त गरिन्। तिनले आहिले रोहिणीमा धेरै विकासका कामहरू भइरहेको अवगत गराउँदै यसको गुण फर्काउने समय अब आएको छ भनी बताइन्। प्रधानले अब पनि हामी मूर्ख हुन नहुने बताइन्।
सभामा खण्ड समिति सचिव उत्तम मुखियाले पनि वक्तव्य राखेका थिए। घैयाबारी तीन ग्राम पञ्चायत प्रधान सुष्मा वाइबाले स्वागत सम्बोधन राखेको सभालाई दिपेन थापाले सञ्चालन गरेका थिए।
