संयुक्त रुपमा 79 औं स्वतन्त्रता दिवस आयोजित

खरसाङ नगरपालिका र सूचना अनि सांस्कृतिक विभाग खरसाङको‌ संयुक्त आयोजनामा आज खरसाङमा 79 औं स्वतन्त्रता दिवस समारोह आयोजन गरिएको थियो। मन्टिभियट खेल मैदानमा आयोजना गरिएको स्वतन्त्रता दिवस समारोहको अध्यक्षता सूचना अनि सांस्कृतिक विभाग खरसाङका प्रभारी गोबिन छेत्रीले गरेका थिए भने प्रमुख अतिथिको रुपमा खरसाङ नगरपालिकाको चेयरम्यान ब्रिगेन गुरुङ उपस्थित रहेका थिए। सबिना गिरी र सबिता छेत्रीले सञ्चालन गरेको कार्यक्रममा स्वागत सम्भाषण गोबिन छेत्रीले राखेका थिए। कार्यक्रममा विशिष्ट अतिथिको रुपमा खरसाङ महकुमा शासक आइएएस बिन्दबासिनी तेजा दिपक, खरसाङ महकुमा पुलिस अधिकारी एसडीपीओ आईपीएस निरजा अनीश शाह, कार्यकारी सभासद कल्पना प्रधान, सभासद श्याम शेर्पा, रोगी कल्याण समितिको सभापति दिवस छेत्री, कार्यकारी अधिकारी कैलाश प्रसाद लगायत अन्यहरु उपस्थित रहेका थिए।