झ्याङ्तेर सामतेलिन छ्योलिङ गुम्बामा त्रिपिटक काङयुर पूजा

तीनधारे महानदी समष्टि अन्तर्गत सिविटारको बाघमारा बस्तीमा अवस्थित झ्याङ्तेर सामतेलिन छ्योलिङ गुम्बामा त्रिपिटक काङयुर पूजा आइतवारदेखि शुरु गरिएको छ। जुन आगामी 11 नोभेम्बरसम्म चल्ने भएको छ। झ्याङतेर सामतेलिन छ्योलिङ गुम्बा सञ्चालन कमिटीको आयोजनामा आयोजित यो काङयुर पूजा बौद्ध धर्ममा गरिने पूजाहरुमा एक रहेको छ। उक्त काङयुर पूजा आयोजना गरिनुको मुख्य उद्देश्य सर्वजगतको प्राणीहरूको हितार्थ साथै जनकल्याणको लागि रहेको बताइएको छ‌। यस पूजा अन्तर्गत 10 र 11 नोभेम्बरको दिन झ्याङतेर सामतेलिन छ्योलिङ गुम्बाको प्रमुख लामा स्याङ्देन म्हेमे (चन्द्रवीर लामा) को निधनपछि अम्बर लामालाई प्रमुख लामा बनाइएको र उनको र रिम्पोर्छेको बाहुलीबाट आशीर्वचन प्रचार गरिने भएको छ। यस पूजा विषयमा झ्याङतेर सामतेलिन छ्योलिङ गुम्बाको पूजा आयोजक समितिको संयोजक रञ्जन तामाङले विस्तृत रुपमा जानकारी गराएका छन्।