जाग है जाग गोर्खाली गीतको लोकार्पण हुने

गायक उत्तम अधिकारीद्वारा गाइएको ”जाग है जाग गोर्खाली” गीतको भीडीओ अलबमको लोकार्पण आगामी 13 सेप्टोम्बरको दिन बागडोगरामा हुने भएको छ। उपन्यासकार रमाकान्त गुप्तद्वारा लिखित उक्त गीतमा सङ्गीत भरेका छन् सङ्गीतकार तथा अधिवक्ता जीवन अधिकारीले। यसरी नै संयोजन गरेका छन् सामुएल सामु राईले। हिलिङ्ग अक्टेब्स रिकर्डिङ्ग स्टुडियोमा उक्त गीतमा भानु रामुदामु, जुएल राई कल्पना बराइली, चन्द्रकला बीके, रोशनी शर्मा अनि मुस्कान बीकेद्वारा कोरस गाइएको छ। यसको छायांकन श्रेया तामाङले गरेकी छिन्। दार्जीलिङको तकभर चियाबारीमा जन्मेका उत्तम अधिकारी हालमा सिलगढी रही सह्गीतकला र सामाजिक कार्यमा संलग्न रहेका छन्।