पश्चिम बंगाल सूचना तथा सांस्कृतिक मामिलाद्वारा भाषा दिवस पालन

दार्जीलिङ,22 फरवरी(निसं): पश्चिम बंगाल सरकारको सूचना तथा सांस्कृतिक मामिला विभागले शनिबार अन्तर्राष्ट्रिय स्थानीय भाषा दिवस मनाएको छ। कार्यक्रम दार्जीलिङको रोबर्टसन रोडस्थित सूचना केन्द्रमा आयोजना गरिएको थियो। कार्यक्रममा दार्जीलिङका विभागीय डीआईसीओ जयन्त कुमार मल्लिक, एआईओ जीना राई लगायतको उपस्थिति थियो। कार्यक्रममा कविता र अंशहरू वाचन गरिएको थियो। लोक प्रसार प्रकल्पका कलाकारहरूले भाषा र यसको महत्त्वमा आधारित गीतहरू पनि प्रस्तुत गरे।