सुके जोरबङ्लो खण्ड अन्तर्गत धजे चियाकमान नौ नम्बर गाउँका 24 बर्षीय अनिकेत लिम्बू (सुब्बा) मृगौला रोगले थलिएपछि उनको डाइलोसिस हाल चलिरहेको छ। निम्न वर्गका अनिकेतको उपचारको लागि सात समुद्र पारि इज्राइलमा कार्यरत भारतीय गोर्खाहरूको समूह मिरिक दार्जीलिङ हिल्स अपार्टमेन्ट समूहले 27 हजार रूपियाँ अनि मिरिक पर्यटन केन्द्रमा फलको रस बिक्रेता धीरज गुरूङले पाँच सय रूपियाँ सहयोग गरेका छन्। उक्त सहयोग राशि सोमबार मिरिक रिपोर्टस क्लब अनि पोख्रेबुङ रिपोर्टस क्लबका पदाधिकारीहरू बिसन राई, मुस्कान राई खेसाङ, विनोद प्रसाईं, विवेक सार्की अनि पवन तामाङको बाहुलीबाट स्थानीय बसुन्धारा समाजका पदाधिकारीहरूको उपस्थितिमा
रोगीको परिवारलाई हस्तान्तरण गरिएको छ। उक्त सहयोग राशि प्राप्त गरेपछि रोगीका आमा बाबाले मिरिक दार्जीलिङ हिल्स अपार्टमेन्ट समूहका सदस्यहरू अनि धीरज गुरूङप्रति आभार प्रकट गरेका छन्।
भारतका विभिन्न भागहरूमा खाना पकाउने ग्यास सिलिन्डरको अभाव
Bijoy Chetri
March 10, 2026
