शान्तिपूर्ण मतदान सम्पन्न,आईजीजेएफले मतदाताहरूप्रति जनायो आभार। इण्डियन गोर्खा जनशक्ति फ्रण्टले सम्पूर्ण मतदाताहरू प्रति आभार जनाएका छन्।बंगाल विधानसभाको पहिलो चरणको मतदान गत 23 अप्रेलको दिन सम्पन्न भयो।दार्जीलिङ पहाडको तीनैवटा आसनहरूमा मतदाताहरूले हर्ष उल्लासको साथ शान्ति पूर्ण मतदान गरेकोमा इण्डियन गोर्खा जनशक्ति फ्रण्टको पक्षबाट रोबर्ट छेत्रीले आभार जनाएका छन्। रोबर्ट छेत्री दार्जीलिङ सदर 2,3,4 समष्टिको इण्डियन गोर्खा जनशक्ति फ्रण्टको पार्टी पर्यवेक्षक हुन्।दार्जीलिङ पहाडको तीनैवटा विधानसभा आसनहरूमा शान्ती पूर्ण मतदान सम्पन्न भएकोमा पार्टी पर्यवेक्षक छेत्रीले मतदाताहरू प्रति आभार जनाएका छन्। देश विदेशमा रोजगार गर्दै आएका मतदाताहरूले आफ्नो गोजीको पैसा खर्च गरेर मतदान गर्न आएका थिए ती मतदाताहरूप्रति हामी धेरै आभारी छौं। मतदाताहरूले अजय एडवर्डसलाई योग्य व्यक्ति सम्झेर मतदान गरेका छन साथै जमीनी स्तरमा खटेर काम गर्ने पार्टी कार्यकर्ताहरू प्रति पनि पार्टीको पक्षबाट रोबर्ट छेत्रीले आभार जनाए।त्यसरीनै पार्टीको नेतृत्वहरूले पनि पार्टीलाई सम्झेर रात दिन केही नभनी खटनु भएको थियो उनीहरू सबै सबैलाई पार्टीको पक्षबाट रोबर्ट छेत्रीले आभार जनाएका छन्।
