यसवर्ष मिरिकमा पालन गरिने स्वतन्त्रता दिवस कार्यक्रमलाई लिएर आयोजक समितिको दोस्रो सभा विहीबार सौरेनी बजार सार्वजनिक भवनमा आयोजक समितिका अध्यक्ष एवं मिरिक नगरपालिका अध्यक्ष एलबी राईको अध्यक्षतामा सम्पन्न भयो। आयोजक समितिका महासचिव एंव जीटीएका कार्यकारी सभासद अरूण सिग्चीले संचालन गरेको कार्यक्रममा 15 अगस्तमा पालन गरिने स्वतन्त्रता दिवसलाई भब्य अनि सभ्यरूपमा पालन गर्न कार्यक्रमको रूपरेखा तयार गरियो। जसमा साँस्कृतिक कार्यक्रम, सम्मान कार्यक्रम, खेलकूद कार्यक्रम लगायत रङ्गारङ्ग कार्यक्रम समावेश गरिएको छ।
