आगामी स्वतन्त्रता दिवस खुल्ला नगद राशि फुटबल प्रतियोगिता अनि स्वतन्त्रता दिवस म्याराथनलाई लिएर खरसाङ महकुमा खेलकूद संघको सभा सम्पन्न भएको छ। उक्त सभा खरसाङ महकुमा खेलकूद संघको सभापति मोहन योञ्जनको अध्यक्षता र सचिव निर्मल गुरुङको सञ्चालनमा सम्पन्न भएको छ। सभालाई सञ्चालन गर्दै मूल सचिव निर्मल गुरुङले गत केही दिन अघि सफलतापूर्वक टेबल टेनिस प्रतियोगिता सम्पन्न भएकोमा सम्पूर्ण सदस्यहरुलाई संस्थाको तर्फबाट धन्यवाद दिन्दै यसपाली कसरी र कस्तो प्रकारले स्वतन्त्रता दिवस फुटबल प्रतियोगिता अनि स्वतन्त्रता दिवस म्याराथन आयोजना गरिनु पर्ने विषयमा सभामा बताए। सभामा यी दुईवटा विषयमा चर्चा परिचर्चा गरिएको छ। सभामा सर्वसहमतिले यसपालीदेखि स्वतन्त्रता दिवस नगदराशि फुटबल प्रतियोगिताको विजेतालाई प्रदान गरिने नगदराशिमा गत वर्षको तुलनामा बढोत्तरी गरिएको छ। त्यसरी नै यस वर्षदेखि म्याराथनमा प्रत्येक सहभागीले म्याराथनको समाप्त गर्ने प्रतियोगीहरुलाई प्रमाण पत्रको साथमा फिनिसर मेडल पनि प्रदान गरिने प्रस्ताव पारित गरिएको छ। सभापछि पत्रकारहरुसित कुराकानी गर्दै खरसाङ महकुमा खेलकूद संघको सचिव निर्मल गुरुङले यस सभा र स्वतन्त्रता दिवस नगदराशि फुटबल प्रतियोगिता अनि स्वतन्त्रता दिवस म्याराथन विषयमा विस्तृत रुपमा जानकारी गराएका छन्।
