वार्ड 23 मा समाज भवन बडोत्तरीको उद्घाटन

दार्जीलिङ,1 फरवरी(निसं): गोर्खाल्याण्ड टेरिटोरियल एड्मिनिस्ट्रेसन(जीटीए) अध्यक्ष अनित थापाको दूरदर्शी र जनकेन्द्रित सेवा कार्यक्रमको पहलमा र दार्जीलिङ नगरपालिका वार्ड नम्बर 23 का पार्षदिका तथा दार्जीलिङ नगरपालिकाका उपाध्यक्ष प्रतिभा राईको सहयोगमा लोचनगर ग्राम उत्थान समिति समाज भवनको बडोत्तरी साथै नवीकरणको उद्घाटन कार्यक्रम लोचनगर ग्राम उत्थान समिति हलमा आयोजना गरिएको थियो। यो समिति नगरपालिकाको वार्ड नम्बर 23 अन्तर्गत पर्दछ र विधायक उम्मेदवार विजय कुमार राई पनि यस कार्यक्रममा उपस्थित थिए भने नगरपालिका अधिकारीहरू अन्य पनि कार्यक्रममा उपस्थित थिए भनी लोचनगर ग्राम उत्थान समिति, अध्यक्ष अशोक गुरुङ अनि दार्जीलिङ नगरपालिका उपाध्यक्ष प्रतिभा राईले बताएका छन्।