लङ्भ्यू चियाबारी अन्तर्गत हस्पिटल लाइनमा निर्मित सार्वजनिक भवनको आइतवार विधिवत् उद्घाटन जीटीए महिला तथा शिशु विकास विभागकी कार्यकारि सभासद कल्पना प्रधानको बाहुलीबाट पूजा अर्चना गरेर तथा रिबन काटेर गरियो। जीटीएको पञ्चायत तथा ग्रामीण विकास विभागद्वारा निर्मित यस भवनको उद्धघाटन समारोहमा विभागीय अभियन्ताहरू, पञ्चायत तथा ग्रामीण विकास विभागका तोप्देन भूटिया, सह अभियन्ता सुरज थापा, सागर शर्मा, सन्तमेरिज तीन ग्राम पञ्चायत प्रधान मणिराज डुम्जन, भागोप्रमो युवा शक्ति केन्द्रिय उपाध्यक्ष अनुप गदाल, पंखाबारी, अम्बटे, लङ्भ्यू समष्टि सचिव ललित प्रधान, स्थानीय पञ्चायत सदस्य सुब्रता लकान्द्री, बिमला लामा, पञ्चायत समिति सदस्य चन्द्र प्रसाद शर्मा, ठेकेदार सुरज प्रधान, उत्तम छेत्री, भागोप्रमो लङ्भ्यू ब्लक अध्यक्ष नयस लामा लगायत स्थानीय प्रतिनिधिहरू उपस्थित थिए। विनोद परियारले सञ्चालन गरेको कार्यक्रममा स्वागत सम्बोधन जिनोद परियारले राखेका थिए। यसै अवसरमा सभासद कल्पना प्रधान, मणिराज डुम्जन, तोप्देन भेटिया, अनुप गदाल लगायत अन्यलाई स्थानीय ग्रामवासीको पक्षबाट सम्मान जनाइयो। कार्यक्रमलाई सभासद कल्पना प्रधान, समष्टि सचिव ललित प्रधान अनि मणिराज डुम्जनले सम्बोधन गरेका थिए।
