IGJF लाई मुक्ति पूलको काम रोक्न BGPM को आह्वान

भारतीय गोर्खा प्रजातान्त्रिक मोर्चा बुङकुलुङ शाखाले बुङकुलुङ बस्तीस्थित मरमा खोलामाथि निर्माण भएको मुक्ति पूलको रंगपचेरा गर्नका लागि जीटीएको पक्षबाट अगावै पहल भइसकेको तथापि बर्खायामको कारण कामको थालनी नभएको र चाँडै काम थाल्ने बताउँदै हाल इण्डियन गोर्खा जनशक्ति फ्रण्डलाई रंगपचेराको कार्य स्थगित गरिदिने आह्वान गरेको छ। आज पार्टीले एक भीडीयो सार्वजनिक गर्दै शाखा अध्यक्ष दिपक राईले केवल पूलको रेलिङमा मात्र रंग पचेरा गरेेर काम नहुने बताउँदै यो कामलाई स्थगित गरिदिने आह्वान गरेका छन्। उनले जीटीएको पक्षबाट बुङकुलुङ बस्तीमा धेरै विकासमूलक कार्यहरू भइरहेको जानकारी गराउँदै जीटीएबाट पूलको काम हुन लागेको कारण निजी राजनीतिक पार्टीले राजनीतिकरण गर्नका लागि यसप्रकारको कार्य नगरिदिने आह्वान गरे।