खरसाङ, (निसं)ः जति जति विधानसभा नजिकिन्दैछ राजनीतिक दलहरूको क्रियाकलाप पनि त्यतिकै बढ़दै गइरहेको छ। विधानसभा चुनाउलाई लक्ष्य गरेर पहाड़को राजनीतिमा सक्रिय देखिएको एउटा दल इण्डियन गोर्खा जनशक्ति फ्रण्टले पनि आफ्नो राजनीतिक क्रियाकलापलाई सक्रिय गरिरहेको छ। यसै क्रममा बिहीवारको दिन रंगमूक, सिडर, मुण्डा समष्टि अन्तर्गत रंगमूक बगलधुरा गाउँमा इण्डियन गोर्खा जनशक्ति फ्रण्टका समष्टि सभापति प्रेम छिरिङ तामाङ्को सभापतित्वमा एउटा सभा सम्पन्न भयो। समष्टि जोन 2 का आठवटा बुथका प्रतिनिधिहरूलाई लिएर उक्त प्रतिनिधि स्तरको सभा सम्पन्न भएको थियो।
सभामा खरसाङ महकुमा समितिबाट महकुमा अध्यक्ष सुरज घिसिङ, मूल सचिव अल्फ्रेड तामाङ, प्रचार प्रसार सचिव दया देवान, रिम्पोर्छे पेम्बा लामा, जनशक्ति युवा फ्रण्ट खरसाङ महकुमा समितिका मूल सचिव दर्शन तामाङ उपस्थित थिए। यस सभामा समष्टि अध्यक्ष प्रेम छिरिङ तामाङले रंगमूक सिडर मुण्डा समष्टि जोन 1 अनि जोन 2 मा विभाजन रहेको बताउदै सभा जोन 2 अन्तर्गत पर्ने आठवटा बुथलाई मात्र लिएर गरिएको खरसाङ महकुमा समितिलाई जानकारी गराइरहेको छु भने। तिनले जोन 2 अन्तर्गका आठवटा बुथ मध्ये 7 वटा बुथमा कमिटी गठन भइसकेको जानकारी सभामा राखे।
खरसाङ महकुमा समिति प्रचार प्रसात सचिव दया देवानले आफ्नो वक्तव्य राख्दै वर्तमानमा दार्जीलिङ पहाड़मा आगामी विधानसभा चुनावलाई लिएर क्षेत्रीय अनि राष्ट्रिय दलहरू आ-आफ्नो राजनैतीक कार्यक्रम लिएर मतदाताहरूलाई रूझाउन व्यस्त छन्। तर हाम्रो गोर्खा जाति अनि दार्जीलिङ पहाड़को निम्ति सोचिदिने कोही भएन। आजसम्म जति पनि क्षेत्रीय दलहरू आए सबै जाति र पहाड़को मुद्दालाई ताकमा राखेर सत्ता र कुर्सीको निम्ति मात्र राजनीति गरिरहे। त्यसैले गर्दा आईजीजेएफका केन्द्रीय संयोजक अजय एडवर्डलाई साथ दिएका हौँ भने। सभामा पार्टीका खरसाङ महकुमा समिति अध्यक्ष सुरज घिसिङ, सचिव अल्फ्रेड तामाङ, बुथ नम्बर 16 बाट अबित राई, 18 नम्बर बाट विमान राई, 22 नम्बरबाट रोमन राई, खरसाङ महकुमा समिति सदस्य देवचन्द्र मोथे अनि अन्यान्यले पनि वक्तव्य राखेका थिए।
