इण्डियन गोर्खा जनशक्ति फ्रण्टका केन्द्रीय प्रमुख अजय एडवर्डसले आलुबारी जंगल बस्तीको शुक्रबार भ्रमण गरेका थिए। यसक्रममा उनले जनताको लागि निर्माण गरिएको भवन जनताको पक्षमा प्रयोग गरिनु पर्ने बताए। एडवर्डसले जनताको निम्ति निर्माण गरिएको विषयहरूको उपभोग जनताले गर्न पाउनु पर्ने बताए। इण्डियन गोर्खा जनशक्ति फ्रण्टको केन्द्रीय संयोजक अजय एडवर्डसले घूम जोरबंग्लो समष्टि अन्तर्गत आलुबारी जंगल बस्ती क्षेत्रको भ्रमणको क्रममा यी कुरा भनेका हुन्। यस अवघि स्थानीय मानिसहरूले भव्य स्वागत जनाए। इण्डियन गोर्खा जनशक्ति फ्रण्टको केन्द्रीय संयोजक अजय एडवर्डस्स आलुबारी जंगल बस्ती क्षेत्रको भ्रमणमा आउँदैछन् भन्ने सुइँको स्थानीय बासिन्दाहरूले पाएपछि उनीहरू एक मुष्ठ भेला भएका थिए। आइजीजेएफ केन्द्रीय संयोजक अजय एडवर्डसलाई स्थानीय मानिसहरूले श्रद्धा लगाएर भव्य स्वागत जनाए अनि आफुहरूले भोग्दै आएका एकाएक समस्याहरू सुनाए। घूम जोरबंग्लो समष्टि अन्तर्गत पर्ने आलुबारी जंगल बस्ती जाने बाटोको अवस्था सोचनीय छ। यस बारे स्थानीय मानिसहरूले राज्य सरकार, जिल्ला प्रशासन साथै क्षेत्रीय सरकार जीटीएलाई धेरै पटक बताउँदै आएको भए तापनि भने जस्तो बाटोको निर्माण हुन सकेको छैन।आलुबारी जंगल बस्तीमा समाज घर तथा सार्वजनिक भवन नभएको कारणले गर्दा यस क्षेत्रमा कुनै प्रकारको कार्यहरूको आयोजना गर्न धेरै सोच्न पर्ने भएकोले स्थानीय मानिसहरूले अजय एडवर्डस समक्ष यी विषयहरूको अवगत गराए। आलुबारी जंगल बस्ती वरिपरि जंगलहरू भएको हुनाले यहाँको बासिन्दाहरूले आ आफ्नो बारी बगैचाहरूमा लगाएको साग, सब्जीहरूदेखि लिएर अन्य उत्पादनहरू जंगली जनावरहरूले सोतोर बनाइदिने, यहाँसम्म कि घरमा पालेको घरेलू जीव जन्तुहरू समेत जंगली जनावरहरूले लगि दिने जस्ता समस्याहरू एडवर्डसलाई बताए। यस बारे स्थानीय मानिसहरूले वन्य विभागलाई धेरै पटक अवगत गराउँदै आएको भए तापनि आजसम्म यस बारे कुनै सुनवाई नभएको गुनासो स्थानीय बासिन्दाहरूले अजय एडवर्डस समक्ष राखे। घूम जोरबंग्लो समष्टि अन्तर्गत तीन माइलमा स्वास्थ्य केन्द्र भवनको निर्माण गरिसकेका छन्। निर्माण अवधि उक्त स्वास्थ्य केन्द्र भवनमा 13 देखि 18 बेड राख्न सकिने बताएका थिए तर प्राथमिक स्वास्थ्य केन्द्र भवनको निर्माण भएको धेरै महिना बिति सकेको छ। तर आजसम्म संचालनमा आउन सकेको छैन। जनताको सुविधाको निम्ति निर्माण गरिएको विषयहरू जनताको निम्ति प्रयोग गरिनुपर्छ तर किन गरिन्दैन।सरकारी फण्डद्वारा निर्माण गरिएको भवनहरू यसरी दुरुपयोग गर्न हुँदैन।
