दार्जीलिङ, 12 फरवरी (निस): आज १२ फरवरीदेखि दार्जीलिङ जिल्लाका ६८ वटा उच्चत्तर माध्यमिक विद्यालयका ३,३४३ जना विद्यार्थीले उच्च माध्यमिक परीक्षा दिनेछन्। यसको लागि प्रशासनिक स्तरदेखि स्वास्थ्य, यातायात सम्पूर्ण विषयहरूलाई विशेष ध्यानमा राखेर उचित व्यवस्था गरिएको उच्च माध्यमिक परीक्षाका दार्जीलिङ जिल्लाका जोइण्ट कन्भेनर डा. मिलन ताम ाङले जानकारी गराएका छन् । उनले भने-यसपाली दाजीलिङ जिल्लामा मोठ ३,३४३ जना परीक्षार्थी छन्, जसमा १,४९१ जना छात्र अनि १,८५२ जना छात्रा विद्यार्थी छन्। उनीहरूका लागि दार्जीलिङ जिल्लाका मोठ २२ वटा परीक्षा केन्द्र निर्धारित गरिएको छ भने ९ वटा केन्द्रलाई मुख्य परीक्षा केन्द्र बनाइएको छ। यी परीक्षा केन्द्रहरूमा ६८ वटा विद्यालयका विद्यार्थीले परीक्षा लेख्नेछन् । डा. तामाङले भने यसपाली प्रथमपल्ट उच्च माध्यमिक परीक्षामा तीनप्रकारका परीक्षा हुनेछन् । जसमा फोर्थ सेमिस्टर, थर्ड सेमिस्टरको सप्लिम `न्टरी अनि गत वर्षको परीक्षामा अनुतीर्ण भएका विद्यार्थीहरूको परीक्षा सामेल हुनेछन्। जसको लागि ट्रेजरीबाट प्रश्न पत्रहरू सम्बन्धित परीक्षा केन्द्रहरूसम्म पुऱ्याउनेदेखि परीक्षा दिन गाड़ीमा यात्रा गर्ने विद्यार्थीहरूको गाड़ीलाई कुनैप्रकारको असुविधा नहोस् भन्ने विषयहरूलाई विशेष ध्यानमा राखिएको छ। यसपाली
दार्जीलिङ पहाड़का दुर्गम क्षेत्रहरूका विद्यार्थीहरूका लागि ती स्थानहरूमा नै परीक्षा केन्द्र बनाइएको छ, जहाँ ती क्षेत्रका विद्यार्थीहरूले कुनै असुविधा बिना नै आफ्नो परीक्षा दिन सक्नेछन् । उनले भने-भोलिदेखि शुरू हुने परीक्षाको समय कुनै विद्यार्थी अस्वस्थ भएको खण्डमा उनीहरूलाई जिल्ला अस्पतालबाट नै परीक्षा दिने पनि व्यवस्था गरिने भएको छ। परीक्षाको बोर्ड लगाइएको गाड़ीलाई ट्राफिक जामबाट बाहिर निकाल्न अनि उक्त गाड़ीमा चड़ेका विद्यार्थीहरूलाई सही समयमा परीक्षा केन्द्रसम्म पुऱ्याउनको लागि पनि ट्राफिक पुलिसले उचित व्यवस्था गर्ने भएको छ। यी सम्पूर्ण विषयहरूलाई लिएर प्रशासनिक स्तरमा लगातार बैठकहरू भइरहेका छन्। यसरी नै उनले परीक्षाको समय कुनै परीक्षा केन्द्रमा विद्यार्थीका लागि हिटरको आवश्यकता परे, त्यसको पनि तत्कालै व्यवस्था गरिने भएको पनि जानकारी गराए। ताकि कुनै पनि स्थितिमा परीक्षामा कुनै वाधा उत्पन्न नहोस् अनि विद्यार्थीहरूले कुनै असुविधा बिना नै परीक्षा दिन सकुन्, उनले भने।
