दार्जीलिङ,14 जुलाई(निसं): तामसाङ खासमहल बस्तीको कल्याण समाजले 211औं भानु जन्म जयन्ती भव्य रुपमा मनायो। यस अवसरमा भानुभक्त जयन्ती किन मनाइन्छ अथवा मनाउन किन जरूरी छ भन्ने विषयमाथि समाजको वरिष्ठ व्यक्तिगणले प्रकाश पारे । समाजको भाइ-बहिनीहरुले रंगारंग सांस्कृतिक कार्यक्रम प्रस्तुत गरी कार्यक्रमलाई अनु रोचक बनाए भनी कल्याण समाजले बताएको छ। कल्याण समाजले जानकारी गराए अनुसार,यसै कार्यक्रमको अवसर पार्दै 22 वर्ष देखि संघर्षरत 70 वर्ष माथिका 22 जना वरिष्ठ सदस्यगणलाई उनीहरूले समाजलाई गरेको निस्वाथ योगदानलाई सम्मान गर्दै समाज सभापति पुरण शर्मा साथै सचिव धनिचन्द्र राईले दोसला ओढाएर सम्मान जनाए।
