हिल टीएमसी दार्जीलिङ जिल्ला युवा अध्यक्ष सुमन गुरूङको नेतृत्वमा ३५ नम्बर समष्टिका युवाहरूलाई समेटेर एक महत्वपूर्ण बैठक सम्पन्न गरिएको छ। बैठकमा संगठन विस्तार, नेतृत्व हस्तान्तरण र युवा सहभागिता बृद्धिका विषयमा केन्द्रित छलफल गरिएको थियो।
बैठकमा विशेष जोड कालेबुङ क्षेत्रका प्रत्येक स्थानमा टीएमसी संगठनको सशक्त विस्तार गर्ने योजनामा दिइएको छ। यसका लागि नयाँ योजनाहरू, सांगठनिक सुदृढीकरण तथा युवा नेतृत्वको पहिचानलाई प्राथमिकता दिइएको थियो।
बैठकको क्रममा टाउन कमिटीको नयाँ नेतृत्वको घोषणा पनि गरियो। टीएमसी टाउन कमिटीको अध्यक्ष पदमा सेखर म्याकडोलन चयन भएका छन् भने टाउन कमिटी अन्तर्गत युवा अध्यक्षको जिम्मेवारी रवि छेत्रीलाई प्रदान गरिएको छ। नयाँ पदाधिकारीहरूले संगठन सुदृढीकरण तथा क्षेत्रीय समस्या समाधानमा सक्रिय भूमिका खेल्ने प्रतिबद्धता जनाएका छन्।
सुमन गुरूङले उपस्थित युवाहरूसँग संवाद गर्दै पार्टीको भावी रणनीति तथा युवाहरूको भूमिकाबारे स्पष्ट पथप्रशस्त गरे। बैठकमा पार्टीका अन्य युवा नेता, कार्यकर्ता तथा स्थानीय युवाहरूको उल्लेखनीय उपस्थिति रहेको थियो।
