पहाड़मा मेडिकल कलेज अथवा सुपर स्पेशियालिटी अस्पताल हुनुपर्ने माग पुरानो हो। पहाड़का मानिसहरूको यो माग यति वर्षसम्म पूरा हुन सकेन। अहिले देशले चिकित्साको क्षेत्रमा धेरै प्रगति गरेको छ। भारतमा चिकित्सा सेवा प्राप्त गर्न विदेशबाट मानिसहरू आइरहेका छन्। पहाड़का मानिसहरू भने विभिन्न विशेषज्ञ डाक्टहरूलाई रोग जचाउन, रोगबारे जाँच गराउन सिलगढीको विभिन्न निजी नर्सिङ होम अथवा डाइग्नोस्टिक केन्द्रहरूमा जानुपर्ने बाध्यता छ। आधुनिक चिकित्सा सेवाबाट वञ्चित रहेको पहाड़का धेरै मानिसहरू ठान्छन् । यहाँको सरकारी अस्पतालहरूले जनसाधरणलाई सक्दो चिकित्सा सुविधा उपलब्ध गराइरहेको भए पनि कुनै गम्भीर समस्या उत्पन्न भए पहाड़बाट रोगीहरूलाई उत्तर
बङ्गाल मेडिकल कलेज औ अस्पताल रेफर गरिन्छ।
उत्तर बङ्गाल मेडिकल कलेजमा पहाड़का धेरै मानिसहरू जान चाहँदैनन्। यस मेडिकल कलेजले धेरै ठूलो क्षेत्रलाई चिकित्सा सेवा प्रदान गर्ने हुदा त्यहाँ रोगीहरूको अत्यधिक घुँइचो लाग्दछ।
त्यसैले पहाड़का मानिसहरूले त्यहाँ धेरै समस्याको सामना गर्नुपर्ने गुनासो छ। मेडिकल कलेजका जुनियर डाक्टरहरूले आफ्नो अध्ययनको क्रममा चिकित्सा अथवा शल्यक्रिया गर्ने कतिपय मानिसहरूमा धारणा छ। तथापि अहिले जीटीएले उत्तर बङ्गाल मेडिकल कलेज औ अस्पतालमा सहायता केन्द्र स्थापना गरेको हुनाले पहाड़बाट उपचार गराउन जाने रोगी र तिनीहरूको परिवार सदस्यहरूलाई केही लाभ र सहयोग अवश्यै भएको छ। पहाड़का मानिसहरू उत्तर बङ्गाल मेडिकल कलेज जान असहज र झिजो मानेपछि सिलगढ़ीको नर्सिङ होमहरूमा उपचार गराइन्छ।
सिलगढ़ीको नर्सिङ होमहरूमा उपचार गराउँदा धेरै पैसा लाग्ने हुँदा पहाड़का मानिसहरू कहिले त चन्दा उठाएर उपचार गराउन पनि बाध्य बन्छन्।
