दार्जीलिङ, 3 अगस्त(निसं): रेवा हिलिङ सेन्टर, सालबारीको सहयोगमा नमस्ते फाउण्डेसन-ले एक जना सडकमा बसोबास गरिरहेका केटालाई सफलतापूर्वक उद्धार गरेकोछ भनी नमस्ते फाउण्डेसन-ले बताएको छ। फाउण्डेसनको जानकारी अनुसार, उनले सडकमा सुत्दै र फोहोर खाना खाँदै जीवन यापन गरिरहेका थिए। एउटा मानिस जनावरभन्दा पनि नराम्रो अवस्थामा जीवन बिताइरहेको देख्दा साँच्चिकै हृदयविदारक अनुभव भयो। यो हामी सबैका लागि चेतना जगाउने क्षण हो। केवल आफूका लागि मात्र बाँच्नु साँचो जीवन होइन। हामीले हाम्रै वरपर के भइरहेको छ त्यो देख्न र करुणासाथ प्रतिक्रिया जनाउन सामूहिक जिम्मेवारी लिनुपर्छ। हामीभन्दा कमजोर, आवाजविहीन र साहाराको खाँचो भएका मानिसहरूको पनि सोच्न जरुरी छ।रिवा हिलिङ सेन्टर अनि नमस्ते फाउण्डेसन-ले बताए अनुसार, खर्साङ निवासी पुरण थापाप्रति आभार प्रकट गर्न चाहन्छौं, जो सधैंजसो यस्ता पुण्य कार्यमा सहयोग गर्न तत्पर रहन्छन्, उनको समयमै गरिएको सहयोगबिना सायद उक्त बालकको जीवन बचाउन सम्भव हुने थिएन।उद्धार र पुनर्स्थापना प्रक्रिया कहिल्यै सजिलो हुँदैन, तर जब हाम्रो मनसाय साँचो र पवित्र हुन्छ, भगवानले मार्ग देखाइदिनेछ। चिन्तन गरौ, केवल गैरसरकारी संस्था (एनजीओ)-हरू मात्र होइन, हामी सबै नागरिकको पनि जिम्मेवारी हो कि समाजका असहाय, गरिब र बेवारिसे व्यक्तिहरूको सेवा गरौं।
रेवा हिलिङ सेन्टरका निर्देशक टेन्जिङ रिक्साङ विक्रम मुखियाजी र उनको सम्पूर्ण स्वयंसेवक टोलीलाई पनि विशेष धन्यवाद दिन चाहन्छौं, जसले निस्वार्थ र करुणायुक्त सेवामा समर्पित भएर काम गरिरहनु भएको छ। संगै मिलेर हामी कसैको जीवनलाई फेरि बाँच्न पाउने अवसर दिन सक्दछौं भनी नमास्ते फाउण्डेसन-ले बताएको छ।
