भानु जयन्तीको उपलश्र्यमा सिक्किमबाट पहिलो पटक हाम्रो स्वाभिमान ट्रस्ट सिक्किम राज्य स्तरीय अनलाइन कविता वाचन प्रतियोगिता आयोजन गरेको थियो। जसमा १७ वटा विद्यालयहरूबाट ३७ जना विद्यार्थीहरूले पञ्जीकरण गराएका थिए। तर नेटको समस्या भएर 28 जनाले मात्रै सहभागिता जनाउन पाएका थिए। गत 11 जुलाईको बेलुका सात बजे आयोजन गरिएको थियो। जसमा श्री तुलसी घिमिरे, रानी पूल अनि श्री विष्णु भन्डारी, याङ्गाङ्ग निर्णायक रहेका थिए। उक्त प्रतियोगितामा तीनजना राज्य स्तरमा चयन गरिएको थियो। जसमा सुश्री सविना राई, वहस्पति सरकारी उमावि, रानीपूल, सुश्री बिनिता शर्मा, रोडेथाङ सरकारी उमावि अनि अनुकल्प तामाङ, मामरिङ सरकारी उमावि छनौट भएका थिए। उनीहरूलाई अन्तर्राष्ट्रिय स्तरको प्रतियोगितामा पठाइएको थियो।
यो प्रतियोगिता सफलतापूर्व सम्पन्न गर्न हाम्रो स्वाभिमान ट्रस्ट सिक्किम राज्यका अध्यक्ष लोकेन्द्र श्रेष्ठ, महासचिव मोहन तिम्सिना अनि पूर्वाञ्चल क्षेत्रीय सल्लाहकार अनि केन्द्रीय सदस्य श्री शान्त प्रधानको मुख्य भूमिका रहेको जानकारी पाइएको छ।
