यङ्ग सटलर्स दार्जीलिङ्गले स्थानीय नानीहरूलाई लिएर ब्याडमिन्टन कोचिङ्ग क्याम्प चलाइरहेछ। हल किरायामा लिएर यो क्याम्प चलिरहेको थाहा पाएँ। धेरै दिनहरूदेखि सटलर्सले मलाई क्याम्पमा आइदिन निमन्त्रणा दिएको थियो भन्दै जीटीए मुख्य कार्यपाल
अनित थापा आज क्याम्पमा उपस्थित भए। सटलर्स दार्जीलिङ्गका सदस्यहरूलाई राम्रो काम भइरहेको बताउँदै बधाइ दिए। जीटीए प्रमुखले सटलर्सद्वारा गरिएको कार्यको सराहना गर्दै दार्जीलिङ्गमा एउटा राम्रो ब्याडमिन्टन खेल्ने हल निर्माण गरेर सटलर्सकै देखरेखमा दिने वचन दिए। सटलर्सले आयोजना गरिरहेको जीटीए स्तरमा ब्याडमिन्टन टुर्नामेन्टलाई पनि सम्पूर्ण रूपले जीटीएले स्पन्सर गर्ने बताए।
